Skip to content

Bike The Moment


Bike The Moment x AAPE 九月單車週末夜

活動花絮

非常多謝 AAPE BY A BATHING APE 今次搵我地合作,一齊令更多人知道同嘗試到 urban cycling 既樂趣,仲為所有參加者特製了一系列的單車服飾和裝備,並提供好多我地平時無既支援,今次係一個非常寶貴既經驗,謝謝!感謝所有報名參加的朋友,但亦都講聲唔好意思,因為今次人數超級超額,中籤機會係少過10%,這是意料之外。未來我地會繼續搞更多更有趣既活動,呢個係 Bike The Moment 一開始既初衷。

感謝所有第一次來參加既朋友,非常多謝你的參與。你地當晚都好聽話,整個活動幾乎完全順利進行。好多謝你對我地既信任,遵守交通規則,聽從helper 指示,做了一個好示範,好榜樣。成個活動亦因為有你地既參與變得更有意思和更好玩,希望你地會慢慢愛上urban cycling,我地之後一定會再見!

感謝所有之前參加過今次再來既朋友,多謝你地一路支持同埋當晚自願即場幫手,用你地既經驗帶一些新朋友或從未試過踩呢條路線既人,全靠你地幫手「磅住」!最後亦要多謝路面上所有司機,同我地一齊 share the road。當晚既 bu bu 聲係踩咁多次之中最少的。多謝各警署既阿Sir 同我地既緊密聯繫和提供協助;多謝 St John 的救傷隊既幫忙,為所有參加者提供即時急救服務,令大家可以踩得更安心!多謝 Champion System 車隊幫我地護航,幫我地運送咁多重要物資。

最後要多謝8位 team leaders Kevin Cheung Zamuel Wong Francis Ho Derek Cheung Kracker Kwan OMFGsiu kwokverse Tsz Hin Yan LO,不辭勞苦pre ride 左好多幾次,不停俾意見去一齊諗辦法做好,你們是最強的team!另外仲有一位朋友Kimming Tsoi 一直默默在我地支持同比意見我地,今次仲借出私火walkie,感謝。完成一個活動要這麼多人幫忙,我地只能說無數句感謝。

活動詳情

Bike The Moment x AAPE 九月單車週末夜 aape 單車週末夜 Bike The Moment x AAPE 九月單車週末夜 Bike the moment website banner

簡介:
Bike The Moment 是一個關於香港城市單車生活文化的平台(facebook)。我地嘗試將單車和各種生活元素連結,令大家改變對單車的傳統印象﹣只是一種比賽或運動。我地每個月都會有「單車週末夜」,和大家周圍踩去不同的地方周圍玩。今次我地有幸和AAPE 合作,聯合炮製呢次活動,同更多既朋友一齊享受 urban biking,用一個新既角度去感受我地熟悉既城市。無論以前有無參加過的朋友我地都歡迎。

我地活動既節奏適合所有人,你唔需要踩到識飛,至緊要你鍾意試新野,鍾意係城市裡踩單車同想識多d新朋友,其他既就交俾我地。對於不熟悉 urban biking 既朋友,其實意思就係係城市入面踩單車。香港比較少見,但大家有去過台灣或者日本就會常常見到。今晚我地就係香港島試下!

當晚活動詳情:
首先我地會係鰂魚涌集合,然後向東出發踩去筲箕灣電車總站,途中我地會經過寂靜既後街,掛滿霓虹燈既大馬路,亦有又靚又舒服既海旁。之後一路向西踩返銅鑼灣大球場兜個圈再返大坑 AAPE x Triple O’s pop-up cafe。

本次活動的報名費為$150(自己帶車)與$250(借車),你會得到一個AAPE的單車裝備禮品包(價值$1,700):1x 紀念Tee、1x cap帽、1x 水樽、1x 手腕帶、同埋1x  索繩袋,最後終點仲有美食招待。

路線方面,對於未參加過的朋友當然好玩,但之前來過既朋友今次也會有不同的體驗。我們踩一些新路段(詳細請看下面地圖),令大家依然有新鮮感。不過能夠和不同既人踩感覺又已經不同。

參加者要求:
此次活動會在馬路上踩單車,參加者必須~
1. 能熟練地操控單車,並且不作任何花式表演。
2. 遵守所有交通規則,包括:不亂沖紅燈,不踩上行人路,不胡亂切線等。嚴格遵從當晚工作人員指示。

另外我們一貫的dress code 都是以 casual,stylish 出街衫為主。當晚,大會需要求參加穿著黑色紀念tee (已包括在禮品包裡),外面你想再加外套,背心或任何花巧野都ok。但其他運動或比賽服飾均不適用。

環保政策:
Bike The Moment 支持環保,建議大家當晚要不購買枝裝水,自備水樽。型人包裡面包含了一個可再用水樽,我地會於現場即時提供食水。另外所有廢物亦請大家分類放入回收箱。

當晚路線圖:

放大:全螢幕顯示

當晚活動重點一覽:

集合時間:
出發時間:
到達大坑時間:
7:30pm
8:30pm
11:30pm
dress code:上身:AAPE x Bike The Moment 紀念tee
下身:自由配搭
頭盔自便 (借車的已包)
戰鬥/比賽服裝不適用
氣氛:輕輕鬆鬆悠悠閑,認識朋友
人數:
男女比例:
80人(如果超額會進行抽籤),分小隊進行
50 / 50
費用:需要借車(每人$250),另包括頭盔、保險、終點小食
不需借車(每人$150),包括保險、終點小食
馬路:單車徑比例100:0
車速:10﹣15 km
報名方法:1. 填妥下面的表格
2. 在 facebook share 俾朋友
天氣安排:如果落雨,將會順延一星期舉行
環保要求:1. 當日大家的 Kit 裡面會有水樽,我們會於起點提供食水,減少製造不必要垃圾
2. 如有垃圾,請分類放入回收箱
單車溫馨提示:以下item 是必須的:
﹣前後燈
﹣至少一個剎車系統(前輪或後輪)
﹣鈴鈴
另亦請大家檢查運輸處之單車反光體的要求。

Bike The Moment x AAPE 單車裝備禮品包包括:

AAPE x Bike the moment Tee
AAPE x Bike the moment Gym Bag  (1)
AAPE x Bike the moment wrist band
AAPE x Bike the moment bottle  (1)
AAPE x Bike the moment cap  (2)

常見問題 FAQs:

報名的流程是怎樣?

1. 8月28日至31日報名
2. 9月4日前會公佈抽籤結果(如果超額的話)
3. 到AAPE 指定分店交報名費和拿取「單車裝備禮品包」。
4. 當天穿著我們的紀念tee,準時集合。
5. enjoy~

紀念TEE 怎麼得到?

在成功報名并被抽中之後(9月4日前公佈),你需要先去AAPE 的其中一間指定分店交參加費,同時會得到一個單車裝備禮品包,裡面就會有我們的紀念 tee 和其他單車裝備禮品。

如果我平時不常踩單車,可以參加這次聚會嗎?

視乎個人情況,最主要看你能否穩定地操控單車。另外請有心理準備當晚會有汽車在大家身邊駛過,我們當晚會有工作人員帶領大家分小隊進行照顧大家確保安全。

如果當晚下雨怎麼辦?

如過下雨、颱風或任何不適合踩單車的天氣,活動會順延至下星期六同一時間舉行,直到好天氣為止,大家不見不散!

當晚路程會唔會好長好辛苦?

當晚路程大概17km,如果大家有才過大圍至大尾督,大概是一半左右。對大部份人來說是非常容易的難不成。速度大概 10﹣15km 左右。中間亦會有3﹣4個 check points 停下稍作休息。

當晚有什麼要特別準備?

養足精神,準備好玩的心情就ok。如果當晚想踩得更順利,可以先看看地圖和運輸處的「在路上應注意的事項」。

當晚要帶水(或飲品)嗎?

AAPE 特別為大家設計左一個可再用水樽,俾大家當晚用來裝水飲支持環保,我們亦會於現場提供飲用水。我們不鼓勵大家當晚購買樽裝水。

其他問題?

請大家隨時留言發問,或send email : hughes@bikethemoment.com