Skip to content

Bike The Moment


12月單車週末夜。髦民單車野餐+露營日

後記:

非常多謝大家參加我們的第一次單車野餐+露營日,我們從來都未搞過這樣的活動,但依然有幾十位朋友到來,非常多謝大家對我們的信任信任。尤其多謝好多第一次來既朋友。起初我們還在擔心究竟當日順不順利(因為我地都從來未試過去 camping 的 :P) ,不過當到出發那天我們在迪士尼的巴士站見到大家一身 camping 型仔型女的裝扮走過來的時候,再加上當刻的藍天和陽光,我地已經興奮得什麼都忘記了~~

for more photos : http://on.fb.me/1DR85NW

出發又遲到,唔好意思!
———-
當日我地遲左差唔多45分鐘,先同大家再講唔好意思,因為當我地準備把物資送上大貨車的時候,毫無經驗的我們把卡板推爛了,需要把兩板貨物全部搬落再搬上,當刻我們焦急得簡直想死。雖然6點起身,但都搞到遲大到。幸好我們的司機非常幫手,又以時速100 km 飛入東涌,到達侯王廟之後,幫我們把所以貨物卸下,然後再立即過東涌拿單車。

踩單車去 camp base
———-
今次非常開心有超過30位平時好少踩單車、沒有單車的朋友參加,這樣我們又可以將單車的樂趣傳染給更多不同的人。今年我們選址東涌,因為是第一年搞,所以選擇難度不大的讓大家熱熱身,也讓我們更容易準備,算是非常 bike﹣friendly 的一條路線。期待下次/下年我們可以找到更加接近市區的草地 🙂

OLYMPUS DIGITAL CAMERA
OLYMPUS DIGITAL CAMERA
OLYMPUS DIGITAL CAMERA
OLYMPUS DIGITAL CAMERA
OLYMPUS DIGITAL CAMERA

workshop

————
workshop 的部份我們分4組進行,由於 Queenie 和朋友在現場準備晚餐,而 Hughes 就跟了 六維空間單車大冒險去了機場跑道尾。所以未能看看大家參加其他workshop 的情況,大家有任何 comment 記得跟我們說哦~~

SONY DSC
DSCF8046
IMG_1175
OLYMPUS DIGITAL CAMERA
OLYMPUS DIGITAL CAMERA
OLYMPUS DIGITAL CAMERA
OLYMPUS DIGITAL CAMERA
unnamed

月光下的晚餐
———-
非常開心找到「港野」為我們準備了一頓別出心裁的晚餐。當然雖然沒有魚肉都是素菜,但全部都是本地出產的在地食材。對於平時多肉少菜的城市人,今晚是最近幾個月吃得最健康的一晚,也非常切合今天的主題~ 當晚「港野」還特意在附近的一所學校借了一個操場為我們準備晚餐,雖然給一個不懂路的司機半途拋在幾百米以外,幸好有 Car Camping 的 david 有車去接載它們,最後10盤食物送到大家面前還是暖暖的

OLYMPUS DIGITAL CAMERA
OLYMPUS DIGITAL CAMERA
OLYMPUS DIGITAL CAMERA
OLYMPUS DIGITAL CAMERA
OLYMPUS DIGITAL CAMERA

多謝侯王好天氣
———-
原本出發前幾天還不停下雨和陰天。我們也做了壞打算,可能途中會下雨或者會狼狽一點。幸好當日天氣好到不得了,出發時藍天白雲,迪欣湖的絲木棉和湖邊的綠草令我覺得那時是夏天呢。一直到夜晚的天氣也很好,沒有下雨,還有一點點白雲。晚餐時大家還是曬著月光吃的,當晚正值十五,月色靚到爆。全日唯一的雨落在我們都在睡覺的時候,當時大家都在 tent 裡,影響不大~

OLYMPUS DIGITAL CAMERA
OLYMPUS DIGITAL CAMERA
OLYMPUS DIGITAL CAMERA
OLYMPUS DIGITAL CAMERA
OLYMPUS DIGITAL CAMERA

Day 2 早餐
———-
第二朝一早8點大家一齊起身整 pesto 醬涂麵包,雖然不是什麼驚天動地的早餐,不過大家一起即場摘 basil 一齊切蒜頭揼碎佢都挺有風味啦~ 之後我地就清理場地收拾行裝。最神奇的是當大家離開的一刻,就立即下起毛毛雨,我們立即代大家謝謝侯王庇佑 :)

PC070477
IMG_1234
OLYMPUS DIGITAL CAMERA
OLYMPUS DIGITAL CAMERA
IMG_1233

特別鳴謝:
———-
最後多謝以下各個團體:
草原地圖 Lawnmap
事吉茶記 Sketcher-Kee
MUSICube HK
Hong Kong Heritage Walk
Somersby HK
港嘢 Kong Yeah
So ge..ar
Camping Car

多謝所有幫過手的朋友們,多謝未來過的朋友信任我們,多謝每一次都來得朋友一直支持我們,又沿路幫手做 helper。
我們相約明年再 bike camping 啦!願來年香港變得更 bike﹣friendly,我地會每個月都有不同主題的單車活動,大家密切留意咯~~

———-
其實 Bike The Moment Store 髦民士多 開左一個月喇,得閑上黎坐下 =)

Dec 7  (14:15)  活動順利結束,我們剛剛帶著所有物資回到士多,累到死啦!!多謝大家支持 🙂 照片會之後儘快送上~~

 

最新消息 update:

Nov 28 (19:30) 經過所有報名的朋友,結果已經於11月27日以電郵send 給大家,請記得檢查 junkbox。麻煩大家記得在11月29日或之前交報名費。

Dec 3 (13:25) camping 的 checklist 已經email 給大家準備。活動的詳細briefing 會再之後send 給大家。

IMG_0887  12月單車週末夜。髦民單車野餐+露營日 IMG 08871

序:
講左成年,籌備多時,我地既單車野餐+camping 終於要來啦!原版打算之前8月搞,不過因為天氣非常熱,後來諗住延遲到10月,不過因為大家有更重要既野要一齊爭取。11月我地又忙住搞我髦民士多,已經好耐無同大家踩單車啦!好在12月終於有時間,而又同廟個邊夾到時間。所以很好彩趕得及今年年尾同大家一齊搞我地既第一次單車野餐+ 露營日!活動將會於12月6&7舉行。我地會以 base camp 既形式進行,先踩單車到營地,之後再係營地附近玩同探索。我地希望將單車與不同既元素一起玩,令大家多d發掘單車不同既可能。你踩單車唔需要好勁,最重要識的平衡通安全已經好夠。我地會悠悠閑閑咁係東涌侯王廟呢片小小既世外桃源玩返日,同埋最緊要識下新朋友。

當日簡介:
一開始我地會先踩單車由迪士尼出發前往東涌的侯王廟,之後就會紮營。紮營之後大家可以和朋友 hea 坐野餐+呼吸下新鮮空氣又或者參加我們精心為大家安排的 workshop(詳細請看下面)。Workshop 之後我地會一齊 dinner ,然後就會有螢火會。大家可以選擇同朋友玩到天光又或者養足精神第二朝一齊起身煮早餐。

營地介紹:
今次的營地係東涌侯王廟對出既草地。原來要係香港要搵一個可以容納單車,可以踩單車去既camp base 一d 都唔容易。侯王廟既廟祝雖然唔知我地係度搞乜,不過都願意借出呢塊寶貴既私人草地俾我地,剩係要我地:添少少心意就得~ (所以大家請准備少少香油,每人around $20 左右 xp)

呢塊草地我地一年前來過,之後我地斷斷續續黎過幾次,黎既人唔多,每次都無見超過10個人。草地對出就係海,海上還有360纜車的吊索,以營地來說都算非常有特色:有山有水有古蹟。由於位處東涌這個偏遠地方,附近有好多不為人知但又幾有特色的地方,例如camp base 附近有間河畔小廟,環境幾特別但無人去,我地會係個度有個「河畔 ukulele class」。另外例如東涌炮臺,黃昏時非常漂亮,和非常 vintage 的東涌官立學校連在一起,拍照非常不錯。還有其他正既地方,大家到時再一齊探索。

營地附近有廁所,夜晚12點前大家都唔使擔心。另外營地門口也有單車徑直達市中心那邊,如果要出去超市買任何東西踩單車也只是5分鐘左右。大家可以來做一日東涌既單車髦民嘗試這裡的單車生活是怎樣。單車可是東涌非常重要的工具啊~

協辦單位、特別鳴謝 :
草原地圖  12月單車週末夜。髦民單車野餐+露營日              2014 11 16       03

簡介:於2011年3月29日成立。透過分享與草地有關的資訊,草原地圖鼓勵香港市民分享在草地的生活經驗,將其化為空間的實踐。鼓勵大家走出鋼筋石屎主導的城市,離開千篇一律、監控規訓的商場式消費空間,到都市或大自然的草地上,重拾樸實、簡單的生活。

我地非常開心可以邀請到草原地圖同我地合作一齊搞今次既活動。我地雖然成日去踩單車,不過搞camping 呢d 野外野就無乜經驗。非常多謝佢地今次提供左好多寶貴既意見同 support!整個活動佢地亦會在現場駐紮為大家提供協助。

活動地圖:

活動重點一覽:

集合時間:
出發時間:
到達侯王廟時間:
11am
12pm
2pm
dress code:causal,出街衫
頭盔自便 (借車的已包)
戰鬥/比賽服裝不適用
氣氛:輕輕鬆鬆悠悠閑,認識朋友,感受大自然
人數:
camping 最多人數:
男女比例:
80人(如果超額會進行抽籤)
52人(如果超額會進行抽籤)(每個帳幕最多4人)
50 / 50
費用:兩日一夜:$390 (包括其中一個 workshop、晚餐、帳幕、早餐)
一日:$280 (包括 其中一個 workshop、晚餐)
4-8pm 到場 hea 坐:免費

其他:
如需要借車另加$100 (包括單車與頭盔)
參加 ukulele 班需自備,如需購買另加$180
馬路:單車徑比例80:20
車速:10﹣15 km
報名方法:1. 填妥下面的表格
2. 在 facebook share 俾朋友
天氣安排:如果落雨,將會順延一星期舉行
環保要求:如有垃圾,請分類放入回收箱
單車溫馨提示:以下item 是必須的:
﹣前後燈
﹣至少一個剎車系統(前輪或後輪)
﹣鈴鈴
另亦請大家檢查運輸處之單車反光體的要求。

活動流程:

Day 1

  • 10am

    迪士尼門口集合

  • 11am

    出發

  • 2﹣3pm

    到達 camp base 侯王廟,一齊紮營、自由活動、野餐、休息

  • 3-7pm

    各 workshop 進行中,請看下面的 workshop 簡介

  • 7﹣9pm

    晚飯(最多 80人)

  • 9﹣11pm

    營火會+集體活動

  • 11pm-7am

    訓或自由活動,談心數星星

Day 2

  • 7﹣8pm

    梳洗準備

  • 8﹣10pm

    一齊整早餐,recipe by KitB

  • 10﹣11am

    執拾行李,準備走人

Workshop 簡介:

hong kong heritage walk

螢幕快照 2014-11-18 下午06.26.18  12月單車週末夜。髦民單車野餐+露營日              2014 11 18       06
1. 東涌單車歷史遊
by [Hong Kong Heritage Walk]

事吉茶記 sketcher kee

sketcher  12月單車週末夜。髦民單車野餐+露營日 sketcher1
2. Urban Sketching
by [事吉茶記 Sketcher Kee]

生活在六維空間的少年

six  12月單車週末夜。髦民單車野餐+露營日 six1
3. 六維空間單車攝影大冒險
by [生活在六維空間的男生] & Bike The Moment

musicube ukulele

MUSICUBE  12月單車週末夜。髦民單車野餐+露營日 MUSICUBE1
4. 河畔の Ukulele Class
by [MusiCube] and PolyGON 結他友

簡介:
成立於2013年11月的 Hong Kong Heritage Walk,是由一班熱愛香港風,土,人,情的八十後所組成。他們認為,去旅行並不一定要坐飛機去外國。香港本來就已經是一座環境獨特的城市。香港的舊城窄巷,傳統文化,以至是與城市近在咫尺的新界鄉郊。每一個社區都有獨特的歷史背景,自然與人文風景,值得我們去細看,欣賞。

大家通常都聽人講「東涌新市鎮」,其實呢個新市鎮前身就係非常有歷史的地方。今次有幸請到他們來和大家一齊踩住單車探索東涌既歷史。

人數:10﹣12人
時間:4-6pm
參加者要求:懂得踩單車就可。
需要裝備:每人一部單車,已借車的朋友可以在此時段使用單車。

簡介:
是香港其中一個新成立的本地寫生團體,積極從事和推廣「城市寫生」(Urban Sketching)活動。他們說:「希望如茶餐廳般貼近生活,以最為平易近人的創作形式,親身走訪各城鄉舊社區,以街道、建築、店鋪和街坊鄰里為題材,簡單地以紙和筆,發掘和記綠一些在城市的高速發展下,往往被遺忘或忽略但值得珍視的人、物、事、情,透過互聯網分享一些個人的觀察、經驗和想法,鼓勵大家一同參與,通過『以畫會友』,一起去探索、學習和珍惜我們這個獨特的城市。」今次佢地會同大家一齊係東涌來個 urban sketching。個度有好多美麗而又古舊的風景,無論你之前有沒有試過sketching都絕對歡迎,之後你肯定會發現原來你也是一個sketching 高手。唔信?唔信就黎啦。想知道佢地平時既 sketching 有幾靚就要click 入佢地既 facebook 睇睇啦~

 

人數:25﹣30人
時間:3﹣6pm
參加者要求:喜歡畫野就可以了
*活動將包括基本畫簿&畫具

簡介:
「幾個少年被傳送到六維時空,透過有趣空間創意攝影把歡樂帶給每個曾經跌進六維空間的人…」相信大家可能都已經知道六維空間的男生。他們的作品每一幅都極具創意,以錯位的攝影去將一些我們平時每天看到的食物用另一個角度呈現,Bike The 髦民的確非常佩服他們的創意。今次非常榮幸邀請到其中一位生活在六維空間的男孩﹣立味帶我地一齊踩住單車進入六維空間,佢話已經唔見左佢既另一位六維密友 AM 一段時間,想我地幫佢手睇下搵唔搵到…究竟今次會遇到什麼奇怪的事呢!? 大家唔好錯過啊~

人數:20﹣25人
時間:3﹣6pm
需要裝備:每人一部單車(已借車的朋友可以在此時段使用單車)。相機可大家share。
參加者要求:請准備有可能需要訓係地上,及有足夠腰力及臂力 🙂
請參考六維少年的作品

簡介:
Ukulele 一直被視為迷你結他。對於心思思但想學吉他但又怕自己3分鐘熱度的人可是非常不錯的入門工具。MusiCube 由 Harry 哥哥一手打理,是非常受歡迎的 ukulele 店之一,每天都有超人找 Harry 哥哥買。不過 Harry 最強的當然是彈 ukulele 啦,還有他另外幾位朋友,全部都是非常樂意同大家分享音樂的人。當日佢地會請埋 PolyGON 結他友一齊同大家分享好音樂,將這隻迷你的小東西由夏威夷帶到東涌。當日既小教室將會設置在離營地5分鐘距離的小河畔,一邊欣賞黃昏一邊試下學習 ukulele,大家到時記得幻想一下自己身處夏威夷啦~

人數:20﹣25人
時間:4﹣6pm
*參加者請自備ukulele ,亦可以$170購買
*參加完大家應該會學識至少彈一首歌 :)

其他資料

12月單車週末夜。髦民單車野餐+露營日 10372992 352165684954930 7027986344572791874 o
東涌單車美景集
仲有兩個星期就係我地既第一次單車野餐+露營日。最近天氣真係好到不得了,每天都藍天白雲,秋高氣爽。大家諗好左呢個禮拜有咩活動未?今日為大家準備了這個「東涌單車美景集」介紹下東涌既一d景點。大家可以黎緊既週末約埋朋友在一起去,又或者參加我地既bike camping 一齊踩住單車慢慢探索!

FAQs:

如果我平時不常踩單車,也可以參加這次的 bike camping 嗎?

可以啊,雖然說是 bike camping,但其實整個活動對單車的要求不高。只要你懂得操控單車保持平衡就可以。

如果沒有單車也可以參加這個 bike camping 嗎?

可以啊,其實我們更希望多一些沒有單車的朋友參加,因為這樣才可以有更多人接觸到單車。

我地當日會有少量單車出租。價錢是每人$100。租車時間是 11am﹣11am(24小時)。我們會直接送去起點和於活動最後拿走。

如果當日天氣不好怎麼辦?

我們會順延一個星期舉行。直到好天氣為止,大家不見不散!

如果沒有帳幕可以參加camping 嗎?

大家的參加費(每人$390)已經包括帳幕。每個帳幕會安排 4人一起。所以如果有朋友一起參加的話報名時記得在報名表尾2 個欄留低朋友的名。否則我地將會分開處理。

如果本身有 tent 的朋友可以自己帶來,參加費會減$60

當日如果我 walk in 加入可以嗎?

由於活動和膳食需要預先安排,所以這些活動都需要事先報名。

不過如果你純粹想和朋友踩單車過來在草地上野餐一番(2﹣4pm),我們都是非常歡迎的!

當時的衣襪要怎麼準備?

由於已經是12月,那裡又是露天的環境,日夜的溫差可能會挺大的。

會過夜 camping 的朋友請準備足夠衣襪,以防夜晚會太冷。

其他問題?

如果有任何其他問題歡迎你即時提問!我地會即時解答并share 出來比大家!

11 comments

留言 say something...