馬草壟單車遊記﹣國境之南 太陽之西

終於捱過炎熱的夏天，終於開始慢慢踏入秋天，前幾日跟了位朋友去踩單車遇到另一個秘境又有條路線可以同大家分享，主要屬於粉嶺、上水附近既區域。 那天我們星期四去，人煙很少，風景很漂亮，天氣很好，感覺置身去了台中旅行踩單車一樣（雖然從未去過）。其實好耐之前就一直都有一些踩單車的朋友說過呢區幾好踩，唔知佢地係咪都係講近呢條。Anyway，最近有少少得閒所以就抽一日跟左朋友去踩~

地區：聯和墟 梧桐河 馬草壟
建議出發時間：12﹣1pm，先去聯和墟搵美食，然後開始慢慢踩一日，最後6pm 左右睇日落
出發地鐵站：粉嶺
離開地鐵站：上水
租車：之前有朋友說過聯和墟有單車租，詳情大家要再另外搵

個日我地由粉嶺地鐵站出發，一出地鐵站就已經有單車徑可以慢慢踩，我地先踩去聯和墟食聞名已久的雞脾飽，好幾個月之前聽急急子介紹完佢地既故事已經想去。同行友人提醒唔好期望太大，哈~~ 佢地之前同朋友踩黎試玩之後既 conclusion 係「雞脾 + 飽」lor xp 反而另外轉個彎有間賣番薯奶茶又ok wor，口感特別，同埋唔甜，唔錯唔錯~ 另外朋友仲話有間四眼仔腸粉都唔錯，不過就無試到~ anyway 聯和墟主要係 for 我地踩之前打個底先~ 之後我地就正式出發啦~

第一站我地到左 龍躍頭文物徑，呢個地方我一直都覺得幾特別同踩單車同埋幾正的，因為入面d路好小村落feel。首先最搶眼就有呢個覲龍圍圍牆，好有氣勢，我走進去見到都是人家的屋子，所以沒太打擾就走了。然後我地兜了小小路，一路踩到軍營然後再折返。雖然是兜了小小路，不過我地就覺得呢度好靚，雖然係d 殘殘就就既小屋，但真係好似去左旅行既感覺。鍾意影相既朋友唔好錯過。

離開文物徑，之後就會直接進入梧桐河畔。沿著梧桐河畔踩係一件非常舒服既事，由呢度開始就可以慢慢暢遊。如果好似我地係 weekday 黎既話基本上完全無其他人，三五知己踩隨時可以坐下聊天，非常正。

沿著梧桐河一路踩到盡頭，就會見到高高既電線杆同大水管。咁就代表你已經向羅湖買進左一大步，黎到左另一個景點：大水渠。呢度係一個專門俾人交收贖金既場地（sor…），都可以算係一個幾特別既地方，呢度你會見到頭頂有火車隆隆飛過，爬上水渠影相（小心d）就有獨一無二既風景。嗰日友人興致向無盡既盡頭踩，雖然我只係影相，不過都覺得好正 🙂 如果唔太曬都可以休息一下~

不過好快下一站轉個灣我地就黎到出名既 羅太豆腐花，好多踩單車既人都應該聽過黎過。對於從未黎過既朋友，其實呢度係一個非常重要既補給站，呢度最出名既有＄10任食任添既豆花豆漿放題~~ 如果大家週末週日紅日黎既話，因為地點偏僻，附近不近民居，所以通常都會見其他踩單車或揸車既人專程入黎。不過提提大家，豆花係熱既無凍 xp除左豆腐花之外仲有餐肉煎蛋燶邊公仔麵，條邊燶得真係好透切，食完小休完我地就繼續出發一路向北~！

鏡頭一轉，我地就黎到呢條好靚既馬路，真係好似去左旅行啊!! 之後我地經過一d 好靚既樹蔭小徑，有一刻真係差d 忘記左自己係香港，左邊是小水塘，右邊是一片一望無際的草地，唔講真係差d 忘記左我地其實身處於香港。總括來講呢段路係最正最有feel 既重點之一~ 路面好平踩得好舒服，係馬路，有車，不過好少，大家互相禮讓就ok。另外間唔中會有一些村民或老伯踩單車經過我地同我地打招呼。

中途影相既時候有隻小貓b 走出黎撲向我不停地lun，哈

一路沿著踩，我地就來到 馬草壟信義新村合作社。大家唔好睇呢度既外表咁簡陋，其實係救命既補給站！呢度係我地最後一個見到既補給站，所以我地都坐係度休息左輪。因為咁arm 夕陽開始，太陽伯伯開始下山，所以此時既陽光開始得金黃色的柔和，影像唔會爆光，超正。之後士多裡面的老闆走出來看看我們的單車，吹了幾句水就同我地講上面有個山頭好靚叫我地一定要上去睇埋。

得到村民的指示後我地就一路沿著斜路上，大概10﹣15分鐘後，爬過今日最斜既一段路，就一路推到上黎馬草壟警崗。

行上樓梯，攀過小小草叢，我地就來到今日最高既觀景台小山丘。今日是平日，所以我地一路黎既時候全程都幾乎沒人，沒有踩單車的，也沒有開車的。直到來到小山丘，我們終於見到幾位龍友哥哥姐姐在等影日落~ 係呢段路上我地唯一見到既人，不過就因為咁，所以成短路都好寧靜好隱世feel。想思緒平靜一下既人一定會好喜歡。不過如果weekend 黎就唔知lu~ 途中我同友人在終點馬草壟警崗前發現好多垃圾，唔知係咩人丟的，在此特意提醒一下大家，唔好以為人少少就亂黎，請大家自律有公德心。

從未試過攀上山丘看日落

離開之後我地就原路踩返去，我地曾經試過途中行另一個分叉口，不過最後我地竟然踩左去落馬洲 xp 不過好在條路都好舒服，所以我地又問搵到意外收穫，我地看到一d 農民在用火槍燒田既情境，又係田入面見到夕陽最後幾分鐘紅色的瞬間。總括黎講今日既收穫都幾豐富，睇到好多靚景，踩又踩夠~~

地圖路線分享；