內容
正式踏入10月，又開始進入一年最適合踩單車既季節。炎夏已經過去，我地亦要繼續我地既「西遊三部曲」。（註：「西遊三部曲」全個旅程由觀塘踩到屯門，預計分三次完成）。5月既時候我地完成左首部曲：出觀塘記（由觀塘 > 紅磡），而家正是進行二部曲既好時機。為左保持連貫，二部曲由上次既終點紅磡碼頭繼續出發，然後會經過九龍西慢慢遊走穿梭到達荃灣西。
今次測試路線既時候，團長有強烈既感覺覺得應該係通宵時候舉辦一場。一來呢個路段最適合係通宵凌晨時候踩，二來我地搞左 10 年從來都未試過踩通宵。再加上剛好遇上 3 日重陽節長假期，所以我地希望善用呢次難得既機會。今次活動預計最大既挑戰會係體力同精神，通宵對呢兩方面有一定要求。但通宵既最大好處就係可以係最少交通壓力下進行。
考慮到今次活動要求比較高，如果人數不足，我地將會取消活動，退款比大家。
另外我地亦預計會於稍後推出本次活動既清晨版，路線大同小異，預計會清晨時分開始，有興趣大家可以留意。
路線
為保持連貫，今次我地會係紅磡碼頭出發。由於紅磡海濱唔可以踩單車，我地將會步行經過可以飽覽維港景色既紅磡繞道天橋，到達星光大道。之後我地會沿著海港城的海濱小道向油麻地及奧海城方向前進。再穿過南昌公園之前，我地會係深水埗尋找一個地方稍作休息及食宵夜補充體力。之後便會前往昂船洲大橋，然後再往葵涌既荃灣方向前進，到達荃灣西。
預計 Rundown
0100 集合 @ 紅磡碼頭🛳️
0130 出發🚴🏻♂️🚴🏻♀️
0200 海港城 & 油麻地🌃
0330 深水埗宵夜🍨
0430 南昌公園🐍
0500 昂船洲大橋底 & 葵涌🌉
0600 終點荃灣西 西鐵站🏁
氣氛、適合對象
我們的聚會是輕鬆悠閒為主，每位參加者將會被安排一部 tokyobike。技術方面沒有任何要求，只要懂得踩單車即可，最緊要是遵守所有交通規則。車速大概是 10﹣15km （或按情況加減），中間會有數個休息停頓hea位比大家休息、影相、互相認識和聊天等。速度和距離並不是我們的重點，最緊要是大家感受到單車帶來的樂趣，嘗試接觸 urban cycling 、 bicycle lifestyle 的文化。自己本身沒有單車又想參加的朋友我們有少量的靚靚 city bike 可供租借。
活動主旨
我們希望透過悠閒的單車聚會，在香港帶來一種以 lifestyle 為主的單車生活文化。我們每次都有不同的內容和路線，我們的 dress code 不穿運動或比賽服飾，大家來的時候只需穿日常生活服/出街衫便可， fashion 一點更好。我們相信如果你穿的輕鬆，你的踩車的時候心態就是輕鬆。重點不是你踩的是什麼單車，而是你踩的時候是否抱著一種輕鬆悠閒，令你快樂，令你對身處於的環境更願意用心細看的心境。這種心情相信大家去旅行的時候都感受過。有興趣的朋友、喜歡踩單車的朋友就來和我們一齊嘗試把這種模式帶到香港，一齊嘗試將單車在這個城市扮演的角色慢慢改變。
沿路風光
活動詳情
| 日子&時間 活動時間 |
2023年10月22日 (週日) 1am -6am |
| 路線&行程 | 0100 集合 @ 紅磡碼頭🛳️ 0130 出發🚴🏻♂️🚴🏻♀️ 0200 海港城 & 油麻地🌃 0330 深水埗宵夜🍨 0430 南昌公園🐍 0500 昂船洲大橋底 & 葵涌🌉 0600 終點荃灣西 西鐵站🏁 |
| 氣氛 車速 |
輕輕鬆鬆悠悠閑、識朋友、吹下、打卡為主 視乎情況，不過一般都非常慢，大概10﹣15 km |
| dress code |
-日常生活服/出街衫 -所有參加者必須佩戴頭盔（所有租借單車的客人如果沒有可以向我們借用） -比賽或競技服裝不適用，因為我們所有活動旨在推廣一種生活化的更普羅的城市單車生活模式 🙂 有關頭盔： 從 2023 年 9 月開始，所有參加者必須佩戴頭盔出席我們的活動，如果沒有，可以向我們借用。 |
| 費用 | 🔹租借單車： $250- 每人包括一部 tokyobike 🤓 $225- 如果參加過7或8月的任何一場活動🤟🏻 $225- 學生（whatsapp出示學生證）👩🏻🎓🧑🏻🎓 *已包括頭盔及保險 單車分派： 我們會按性別、身高及供應，為大家隨機安排最適合的單車，如欲指定單車型號/顏色，每部 $80 🔹自備單車： $50 - 本店購買之 tokyobike / STRiDA 😚 $150 - 其他單車 🤟🏻 *已包括保險 |
| 名額 | 大約15-20人 租借單車 - 先到先得，即時確認 |
| 報名時間 活動 Briefing |
即日開始，額滿即止 2日前會 send去 大家既whatsapp |
| 單車徑比例 |
100% （此路線全程於單車徑進行） |
| 如何報名： |
1. 填妥 google form 報名表 2 如需租借單車，請付款及將截圖 whatsapp到 93128538。 **同埋記得幫我地 share 個 post 比身邊朋友 ;p |
| 天氣安排 | 若果天氣惡劣，我們將會於活動前2小時通知大家最新安排，並於大家保持緊密聯繫。 |
報名時間表
開始接受報名時間：即日開始 額滿即止
活動 briefing 將會於 2 日之前send 出~
如有任何問題，歡迎直接 whatsapp 93128538
**報名後你將會即時收到 email autoreply 以示你填寫的 email 正確，如果收不到，請先檢查 JUNKBOX 或 垃圾郵件
**如果仍是找不到，那代表你有可能填錯 email，你可以選擇重新再填表一次，或 whatsapp 我們查詢（93128538）。
常見問題：
Q:如果係單車新手可唔可以參加？
A:我地要求參加者需要能夠穩定操控單車的能力，並且有良好正確既踩單車態度。我地好悠閒好慢速，你唔使好勁踩得好快好好技術，但起碼能夠正常跟住大隊踩。如果你操控的唔夠穩定，或者唔夠信心，建議你可以先行自己去借/租一部單車來拿回熟練既感覺。
如果當日活動進行時發現你不適合，基於安全理由以及為您和其他團友著想，您可能需要退出活動而不獲退款。
Q: 如果當日天氣惡劣/落雨既話如何處理？
A: 一般如果係驟雨既話我地會照去，到時會避雨同埋非常慢咁踩。
如果真係滂沱大雨，我地一般會係活動當日出發最少 2 小時前通知大家如何處理。如果活動需要取消，您可以保留名額下次參加，或者選擇退款。
Q:活動一定要佩戴頭盔？
A:對，為保障大家既安全，雖然我地既速度好慢，不過都依然需要大家佩戴頭盔。
Q:如果唔想戴得唔得？
A:為保障大家既安全，我地都係乖乖地戴吧~