簡介
話咁快又過年，話說其實每年過年既時候我地都悶悶地。好多年前我地曾經搞過初三單車市集，同好多朋友一齊踩單車，非常開心🥹
而係單車界入面，其實每年年初三都有一個傳統叫「踩大冷」（’冷’是英文 round既諧音，一圈既意思）。大冷意思係指圍住成個新界踩一圈，ard 100 km。我地無咁 hard core啦，純粹係想揾個機會同大家聚一聚，因為過年呢 d 無無聊聊既日子，最好就係同大家一齊踩單車唔好曬左🤪
今年我地的起心肝同大家搞一次小冷，雖然時間有 d 緊迫🤣不過唔理咁多了，遲出好過唔出，費事過左之後又後悔😚
行程簡述
今次我地既活動性質同之前既週末聚有 d 唔同，主要係屬於我地車主們之間既聚會😝所有參加者均需自備單車😗
路線上我地今次會比較悠閒輕鬆舒舒服服，全程主攻單車徑為主（會可能有好少段馬路仔，1-2 分鐘）。我地會由中大開始出發，先兜落去沿吐露港單車徑繞場一周行個🐲年大運，之後再到大埔揾間容納得曬我地人數+單車（視乎報名結果再定）既餐廳食個開年飯。食飽飽休息完之後我地就會踩去大埔海濱公園，之後再往三門仔方向出發。三門仔而家開左單車徑，入面其實好靚，不過唔算多人熱門。上次中秋節我地無機會去，今次就正好可以補番！去完三門仔，視乎到時大家既狀態同體力，再決定入唔入埋大尾督😂
當然啦，途中我地得閒就會停低同大家影相吹水🤗
本次活動路線預想圖
這條路線並不是大家一般自己會去騎乘既路段。如果想了解如果由尖沙咀踩去荃灣，大家可以透過今次去了解。
預計路線 Rundown
（實際行程到時或會有所更改，以活動當日為準，以下只供參考）
0930 活動集合🛳️
1000 出發🚴🏻♂️🚴🏻♀️
1030 吐露港海濱漫遊🌊
1100 午餐@大埔🌃
1200 大埔海濱公園🍨
1300 三門仔⛵️
1400 睇下最尾去到邊🤪🏁
*路線長度約 16-23km
目標客群
本次活動屬於一年一度的初三單車聚會，今次我地主要對象是為我們髦民士多的車主顧客們提供一個車聚。如果你擁有 tokyobike / 或者在我們這裡購買 STRiDA ，我們都誠意邀請您來參加🤤 另外我地都歡迎其他單車車主一起來參加，大家認識下朋友，過年熱鬧一下嘛！
（共享單車除外）
適合/建議你同我地一齊來玩，如果你…
-踩單車第二，享受過程第一的人😉
-都係過年悶悶地無乜好做既人🙇🏻♂️
-想出來同我地聚聚，順便識下朋友🤭
-未踩過吐露港 》三門仔呢條路（真係好正架！）🤓
-樂於與其他參加者互動/認識新朋友的人😚
-喜歡抱著嘗試新事物心態的人🤗
沿路風光/景色
活動氣氛節奏
我們的聚會是輕鬆悠閒為主，車速大概是 10﹣15km （或按情況加減），中間會有數個休息停頓hea位比大家休息、影相、互相認識和聊天等。速度和距離並不是我們的重點，最緊要是大家感受到單車帶來的樂趣，嘗試接觸 urban cycling 、 bicycle lifestyle 的文化。
活動主旨
我們希望透過悠閒的單車聚會，在香港帶來一種以 lifestyle 為主的單車生活文化。我們每次都有不同的內容和路線，我們的 dress code 是不穿比賽服飾，大家來的時候只需穿日常運動服/生活服/出街衫便可，大家自己覺得舒服適合安全就好。我們相信如果你穿的輕鬆，你的踩車的時候心態就是輕鬆。重點不是你踩的是什麼單車，而是你踩的時候是否抱著一種輕鬆悠閒，令你快樂，令你對身處於的環境更願意用心細看的心境。這種心情相信大家去旅行的時候都感受過。有興趣的朋友、喜歡踩單車的朋友就來和我們一齊嘗試把這種模式帶到香港，一齊嘗試將單車在這個城市扮演的角色慢慢改變。
活動內容元素：
🚲單車漫遊吐露港》三門仔
今次呢條路線係一條大埔踩單車既經典路線。團長中學既時候已經成日來踩。不過話雖如此，但我地都發覺其實有好多人未踩過呢條路線。不過唔緊要，無論你踩過未踩過都好，同我地踩都一定係開心好玩架啦🤪
不過認真，呢條路線係又靚又正的，我地希望到時初三條單車徑唔好太繁忙多人😂
🍱一齊食個開年飯 @ 大埔
今次活動預計會由上午踩到下午，所以中間我地會揾個地方食個早飯，預計大約 12 pm前左右。上次有車友帶團長去左大埔區一間非常 bike friendly 既餐廳，話基本上所有熟路踩單車既人都會來。團長實試過，佢唔算係一間非常精緻舒服既餐廳，不過以踩單車來講係值得推薦的。另外事頭婆既風趣招呼都令我印象深刻😆
如果到時唔好彩無位，我地就再轉戰其他餐廳~🙏🏻
📸攝影打卡
咁難得可以同大家一齊踩單車，影相打卡呢 d 指定動作又怎可以錯過~ 今次旅程我地會途徑好幾個適合影相打卡既地方，到時大家可以一邊休息一邊影下相~
如果唔識影相又或者嫌麻煩都唔識擔心~ 團長每次都好樂意幫大家影相😎。所有相團長都會幫大家影好執好係活動之後 send 返比大家📸 大家到時諗定想點影就 ok 了😎
活動詳情
| 日子&時間 活動時間 |
2024年2月12日 (週一，初三) 9:30am -2:00pm (預計最少需時，或會可能超時) |
| 路線&行程 | 見上 |
| 氣氛 車速 |
輕輕鬆鬆悠悠閑、識朋友、吹下、打卡為主 視乎情況，不過一般都非常慢，大概10﹣15 km |
| dress code |
-日常生活服/出街衫/舒適合適的運動服 -所有參加者必須佩戴頭盔（所有租借單車的客人如果沒有可以向我們借用） -比賽或競技服裝不適用，因為我們所有活動旨在推廣一種生活化的更普羅的城市單車生活模式 🙂 |
| 費用 | -免費，自備單車😎（共享單車除外） |
| 名額 | 目標20人（先到先得，視乎情況如果超額有可能會增加名額🧘🏻♀️） |
| 報名時間 活動 Briefing |
即日開始至 2月10日 9pm（年初一） 年初二早上會 send去 大家既whatsapp |
| 路段比例（只供大約參考） |
單車徑90% 寧靜馬路 2-3% 行人路/推車 0-5% |
| 如何報名： |
1. 填妥 google form 報名表 2 如需租借單車，請付款及將截圖 whatsapp到 97811769。 **同埋記得幫我地 share 個 post 比身邊朋友 ;p |
| 天氣安排 | 若果天氣惡劣，我們將會於活動前2小時通知大家最新安排，並於大家保持緊密聯繫。 |
報名時間表
開始接受報名時間：即日開始 額滿即止
活動 briefing 將會於活動 2 日之前send 出~
如有任何問題，歡迎直接 whatsapp 97811769
**報名後你將會即時收到 email autoreply 以示你填寫的 email 正確，如果收不到，請先檢查 JUNKBOX 或 垃圾郵件
**如果仍是找不到，那代表你有可能填錯 email，你可以選擇重新再填表一次，或 whatsapp 我們查詢（93128538）。
參加者技術要求：
今次活動主要於單車徑路段進行，所有參加者必須遵守所有交通及交通規則，並且能夠純熟且穩定地操控單車。
如對此部分有任何查詢，歡迎於報名前 whatsapp 聯絡查詢：(+852) 9781-1769
常見問題：
Q:如果係單車新手可唔可以參加？
A:不管是否新手，我地要求參加者需要能夠穩定操控單車的能力，並且有正確且安全的踩單車態度。我地活動既會以悠閒及篇慢節奏好前進。火星
如果當日活動進行時發現你不適合，基於安全理由以及為您和其他團友著想，您有可能會被即場取消參加資格。
Q: 如果當日天氣惡劣/落雨既話如何處理？
A: 一般如果係驟雨既話我地會照去，到時會避雨同埋非常慢咁踩。
如果真係滂沱大雨，我地一般會係活動當日出發最少 2 小時前通知大家如何處理。如果活動需要取消，您可以保留名額下次參加，或者選擇退款。
Q:活動一定要佩戴頭盔？
A:法例沒有明文規定踩單車必須佩戴頭盔，但為保障大家既安全，雖然我地既速度好慢而且係單車徑進行，所以我地建議大家佩戴頭盔。
另外一提，本次活動屬於自發組織的單車聚會，舉辦單位沒有收取任何費用，以及沒有為參加購買任何保險，如有需要，請大家自行購買。如需相關資訊，可以向我們 whatsapp 查詢。