單車週末聚。借車新優惠！(優惠至 2019年3月31日）

一直以來我地既「單車週末聚」都有提供漂亮又好踩的 tokyobike 供大家租借，目的是希望沒有單車的朋友都能夠來同我地一齊感受 urban cycling 的樂趣，因為我地唔希望將單車永遠只係推廣給有單車的人，這樣其實意義有限。我地更希望將單車推給本來沒有單車的人，這樣會令我們覺得更有意思、更有動力，因為感覺就好像在播一棵全新的種籽，令「單車生活」這個概念在大家心中慢慢發芽，令大家他朝有日亦會認同單車在我城存在的不同可能。
當然，我地亦知道係香港大家可能都有土地問題，未必個個屋企都有單車/可以隨便揾到單車。
.
感謝大家一路而來的支持，最近聽取了身邊顧問團隊既意見（即是我地既髦民 helper crew 哈哈) + 參加者的意見，再加上適逢我地正在全力推進「單車週末聚 2.0」，我地決定將會大幅調整借車的價錢，目的是希望進一步令大家以更低的價錢享受 urban cycling 及 tokyobike 帶比大家既樂趣。（而家咩都加價，我地偏鐘意減價！）
.
當然最重要的，是所有服務一切不變，頭盔依然照包，24bottles樽裝水依然照有，單車依然是最漂亮最好踩的 tokyobike。我地唔鐘意玩語言偽術。
新價格暫時打算推行半年，之後會再檢討，希望想來既朋友把握機會唔好怕羞。趁著踏入秋冬天氣轉涼，現在就是騎車最舒服的季節，一齊來嘗嘗 urban cycling 的樂趣。嘗試一口「 #有單車的生活才是好生活」。
.
詳細新優惠及相關事項：
1）借車價錢從 $250 減到 $150
-全部皆為 tokyobike
-包括頭盔 及 24bottles 樽裝水一支
.
2）所有借車的參加者日後如慾購買 tokyobike ，半年內皆可以借車租金抵銷，最多$300。大家可以順便趁這機會來實際試踩 tokyobike 🚴🏻
.
3）另每次週末聚皆會預留固定名額供自攜 tokyobike 出席的朋友，如果你有 tokyobike 的話記得報名時揀啱選項哦~
.
4）❤️❤️優惠期至2019年3月31日，大家把握機會!!❤️❤️