8月單車週末夜

04/09/2015 8:10 PM 剛剛發出明天活動的 briefing，收唔到請check 埋 junkbox~ junkbox 都無請聯絡我地~ 遲了幾個小時唔好意思!!

03/09/2015 5:31 PM 9月5日活動結果剛剛以email 通知大家，收唔到請check 埋 junkbox~ junkbox 都無請聯絡我地~ 遲了幾個小時唔好意思

08/27/2015 12:48pm 活動結果已用電郵通知大家，收唔到請check 埋 junkbox~ junkbox 都無請聯絡我地~

單車週末夜 bike the moment 8月單車週末夜 150117 233840

序
之前7月miss 左一次，原本諗住6月搞港島西就跟住踩埋港島東，結果因為太熱，同埋鋪頭好忙所以蛇王左一次 xp 當係放暑假啦~ 8月我地會踩呢個橫跨九龍西到東既路線，由長沙灣出發，一路向東踩去觀塘~ 對上一次踩類似這條路線係上年7月，新朋友舊朋友今次再黎啦喂~

氣氛、適合對象
首先，必須先提醒大家，我地活動既節奏都係超慢的。我地不限車種，唯一要求係大家不可以穿全副比賽裝備，要穿平時大家日常生活的出街衫。我地既技術亦沒有任何要求，只要懂得操控單車即可，還有最緊要既係遵守所有交通規則。車速會是超慢的大概10﹣15km，兼且中間會有數個休息停頓hea位比大家休息，速度和距離並不是我們的重點，最緊要是悠閒的氣氛和俾大家認識不同的朋友，感受下urban cycling 呢種文化。

當晚大約路線/流程
我地會由長沙灣開始（準確地點待定），先經過李鄭屋邨到石硤尾南山村。這段是我們今年4月吃早餐時的尾段。之後我地會去南山村吃晚飯，個度有幾間充滿屋村風味既餐廳，可以泊單車係門口。大家記得到時唔好滋擾到村民，整整齊齊將單車泊埋一邊。跟住就齊齊排排坐。都唔係d 咩高級餐廳，但就係兒時既屋村格局，有雞蛋仔，茶餐廳或者魚蛋粉，我地到時視乎人數再揀。熱完身吃完飯後我地就會開始沿著九龍塘九龍城九龍灣一路踩去舊機場跑道再返觀塘，這次的路程比上一次長一點點，同埋大致上都係好少車，九龍區又係另一種feel~

活動意義
我們希望透過定期的活動，在香港推廣一種生活化，比較著重 lifestyle 的單車模式。靈感是來自之前一些到世界各地城市旅遊的經歷，眼見單車在好多不同大城市扮演的角色，除了講求速度和流汗之外更能帶給人們生活上的快樂，提供一種讓乘搭公眾交通工具之外，同時令人覺得心情舒暢的移動模式。故此我們活動的 dress code 是大家平時出街的 stylish 襯衫，因為你穿成怎樣踩單車你就會抱著怎樣的心態去享受你的那趟旅程。如果你穿的是比賽服，你就會是競速的心態，如果你穿的是生活化的服飾，你就會是悠閒的心情。

香港一直缺少這種單車文化和風景，故此我們每個月都相約不同的朋友一齊踩車。重點不是你踩的是什麼單車，而是你踩的時候是否抱著一種輕鬆悠閒，令你快樂，令你對身處於的環境更願意用心細看的心境。這種心情相信大家去旅行的時候都感受過，有興趣的朋友、喜歡踩單車的朋友就來和我們一齊嘗試把這種模式帶到香港，一齊嘗試將單車在這個城市扮演的角色重新定義。

聚會重點s

日子	8月29日（週六） 9月5日（週六）
路線	長沙灣 ﹣ 石硤尾 ﹣ 啟德遊輪碼頭
集合時間晚飯時間完結時間	待定約六時左右約七至八時左右 @ 石硤尾南山村約十至十一時 @ 觀塘
dress code / 車種	﹣stylish 打扮 ﹣車種不限 ﹣比賽及運動服裝不適用，因為我們所有活動旨在推廣一種生活化的更普羅的城市單車生活模式
氣氛車速	輕輕鬆鬆悠悠閑、識識朋友吹吹水 10﹣15 km
人數男女比例	每次 20﹣ 30人（如果超額報名會進行抽選）儘量均衡
參加費用	$0 （自備單車） $250 （需要租車，包括頭盔和單車，不包括保險） **晚飯自費
馬路/單車徑比例路況	100：0 入夜後會越來越少車
報名方法	1. 填妥下面的報名表 2. share 俾朋友
天氣安排	如果落雨或天氣惡劣，活動或會改期或取消，詳情會之後與大家緊密聯繫