12月單車週末早

報名結果已於（12月24日）下午2：30pm 公佈

無論成功與否都會收到email，如果看不到請找 Junkbox。

如果依然沒有請聯絡我們，謝謝

Briefing 已於今晚 7pm 左右 send 出~

bike the moment 12月單車週末早 150115 165700

序
又到聖誕又到聖誕，今年我地為大家準備了一個非常健康既活動~~

12月26日Boxing Day，我地會聯同 Doughnut 和港嘢三個團體合作搞一個素食野餐活動，而開始時間係大清早9點出發！為大家帶來一個健康又早起既聖誕，迫大家前一晚早d 訓 xp 配合呢個活動，除了為大家搞了這個有益又健康既活動，同時以慶祝我地合作出了一個城市單車背包。我地有一個小比賽，大家可以去doughnut 的官方網頁參加比賽，得獎的朋友會有一個背囊附送，不要錯過哦~

活動詳情
我們都喜歡健康簡單的生活。相信大家大時大節都可能會大魚大肉渡過，然後玩到夜一夜至訓。今次我地就來個反傳統，在X’mas 狂歡盡興後的 Boxing Day 一大早同大家黎個全素食的野餐。當日我地會早上9am 在天水圍出發，先踩一輪單車，經過屏山文物徑和藍地大街，沿著到達屯門的單車徑來個素食野餐。上一次來這裡野餐已經是一年半前咯~ 這次還有人為大家準備健康的美食，怎能錯過。

氣氛、適合對象
首先，必須先提醒大家，我地活動既節奏都係超慢的。我地不限車種，唯一要求係大家不可以穿全副比賽裝備，要穿平時大家日常生活的出街衫。我地既技術亦沒有任何要求，只要懂得操控單車即可，還有最緊要既係遵守所有交通規則。車速會是超慢的大概10﹣15km，兼且中間會有數個休息停頓hea位比大家休息，速度和距離並不是我們的重點，最緊要是悠閒的氣氛和俾大家認識不同的朋友，感受下urban cycling 呢種文化。沒有單車又想參加的朋友我們有少量 city bike 城市單車可供租借。

活動意義
我們希望透過定期的活動，在香港推廣一種生活化，比較著重 lifestyle 的單車模式。故此我們活動的 dress code 是大家平時出街的 stylish 襯衫，因為你穿成怎樣踩單車你就會抱著怎樣的心態去享受你的那趟旅程。香港一直缺少這種單車文化和風景，故此我們每個月都相約不同的朋友一齊踩車。重點不是你踩的是什麼單車，而是你踩的時候是否抱著一種輕鬆悠閒，令你快樂，令你對身處於的環境更願意用心細看的心境。這種心情相信大家去旅行的時候都感受過，有興趣的朋友、喜歡踩單車的朋友就來和我們一齊嘗試把這種模式帶到香港，一齊嘗試將單車在這個城市扮演的角色慢慢改變。

今次活動夥伴

About 港嘢

還記得上年露營時的那個月光下的草地晚餐嗎？就是港嘢為我們準備的了！以「支持本地農業和日常用品生產」為主旨，一直為大家在香港蒐羅和發掘各種在地新鮮食材。希望大家能對本地耕作的新鮮事物多多支持。今次我地既活動咁健康當然就也要找他們啦！

關於 Doughnut

成立於2007年，一直致力於以旅行理念製作背包、側肩包以及其他旅遊相關用品。

相信大家對他們的背包可能已經有一定印象，我地最鍾意係佢地既設計簡單但不失時尚，而且質料特別和售價宜人，所以今次我地第一次合作推出一個以「城市單車」為概念的背包，效果非常不錯，希望大家喜歡。

聚會重點s

日子	12月26日（週六）
路線	屏山文物徑 > 屯門蝴蝶灣
（暫定）集合時間（暫定）開始時間（暫定）野餐時間（暫定）完結時間	9 am 9:30 am 12pm pm 2 pm
dress code / 車種	﹣stylish 打扮 ﹣車種不限 ﹣比賽及運動服裝不適用，因為我們所有活動旨在推廣一種生活化的更普羅的城市單車生活模式
氣氛車速	輕輕鬆鬆悠悠閑、識識朋友吹吹水視乎情況，不過一般都非常慢，大概10﹣15 km
人數	約最多 40人（如果超額報名會進行抽選）其中10個名額將會分配給「Doughnut x Bike The Moment 單車小故事」比賽既得獎朋友
參加費用（已包括素食野餐）	$0 （自備單車） $250 （需要租車，包括頭盔和單車，不包括保險）
單車徑比例	>90%
報名方法	1. 填妥下面的報名表 2. share 俾朋友
天氣安排	如果落雨或天氣惡劣，活動或會改期或取消，詳情會之後與大家緊密聯繫