內容
唔經唔覺，其實夏天已經過左一半，最熱既日子即將離我地而去~🥹
上個月因為落左一場雨，所以6月既活動延期到 7 月先舉行，咁就當休息下啦😂 踏入八月，我地將會繼續舉辦下一場既夜踩活動，今次我地將會去到港島😎同大家踩呢條我地最經典、最 original 既路線。港島係我地@bikethemoment 十年前一開始既時候踩既發源地區~對上一次踩都已經係 5 年前有多既事🥲
有一樣野要同大家事先說明既，就係港島係我地多有路線中難度最高既路線之一😳如果你參加過5 月既「出觀塘記」同 6 月既「紫色嘉頓山」，港島既難度比佢地仲要高😳因為港島基本上周圍都係咁繁忙，加上6:30-10:30pm 亦絕對唔係冷清既時間。有見及此，今次我地將會有兩手準備，到時將會視乎參加人數同埋大家既馬路程度，現場決定某 d 路線我地應該點選擇🤨
不過撇除左呢樣野，港島係可以話係最靚同最有城市氣氛既路線！
路線
今次既起點係北角，我地目前預計首先會踩到去鰂魚海濱寵物公園再推車沿太古海旁到達西灣河，以此避開黃昏時間最繁忙既路段🙏🏻之後我地將會慢慢地沿著筲箕灣避風塘到達東大街。東大街是筲箕灣知名的「食街」🍡🥗🍕🍖🍭，我地到時會視乎情況決定在東大街/西灣河太安樓晚餐，呢兩個地方都係著名既美食集中地😋。食飽飽之後，我地就會向西出發，經過太古、鰂魚湧、北角，去到大坑、銅鑼灣。
港島線既我地今次不設終點。 10:30pm 之前大家踩到幾遠就幾遠！
預計 Rundown
1800 集合 @ 北角消防局🙋🏻♀️
1830 出發🚴🏻♂️🚴🏻♀️
1900 太古海旁 🌅
1915 筲箕灣電車站 🚃
1930 晚餐 @ 太安樓 🍗🍡🍺
2045 北角 》大坑 》銅鑼灣🌃
2230 終點（open end，視乎大家踩到幾遠🤪） 🏁
氣氛、適合對象
我們的聚會是輕鬆悠閒為主，每位參加者將會被安排一部 tokyobike。技術方面沒有任何要求，只要懂得踩單車即可，最緊要是遵守所有交通規則。車速大概是 10﹣15km （或按情況加減），中間會有數個休息停頓hea位比大家休息、影相、互相認識和聊天等。速度和距離並不是我們的重點，最緊要是大家感受到單車帶來的樂趣，嘗試接觸 urban cycling 、 bicycle lifestyle 的文化。自己本身沒有單車又想參加的朋友我們有少量的靚靚 city bike 可供租借。
活動主旨
我們希望透過悠閒的單車聚會，在香港帶來一種以 lifestyle 為主的單車生活文化。我們每次都有不同的內容和路線，我們的 dress code 不穿運動或比賽服飾，大家來的時候只需穿日常生活服/出街衫便可， fashion 一點更好。我們相信如果你穿的輕鬆，你的踩車的時候心態就是輕鬆。重點不是你踩的是什麼單車，而是你踩的時候是否抱著一種輕鬆悠閒，令你快樂，令你對身處於的環境更願意用心細看的心境。這種心情相信大家去旅行的時候都感受過。有興趣的朋友、喜歡踩單車的朋友就來和我們一齊嘗試把這種模式帶到香港，一齊嘗試將單車在這個城市扮演的角色慢慢改變。
沿路風光
活動詳情
| 日子&時間 活動時間 |
2023年 第一場：8月5日(六) 第二場：8月26日(六) 6:30pm -10:30pm |
| 路線&行程 | 1800 集合 @ 北角消防局🙋🏻♀️ 1830 出發🚴🏻♂️🚴🏻♀️ 1900 太古海旁 🌅 1915 筲箕灣電車站 🚃 1930 晚餐 @ 太安樓 🍗🍡🍺 2045 北角 》大坑 》銅鑼灣🌃 2230 終點（open end，視乎大家踩到幾遠🤪） 🏁 |
| dress code |
日常生活服/出街衫 *比賽及運動服裝不適用，因為我們所有活動旨在推廣一種生活化的更普羅的城市單車生活模式 🙂 |
| 氣氛 車速 |
輕輕鬆鬆悠悠閑、識朋友、吹下、打卡為主 視乎情況，不過一般都非常慢，大概10﹣15 km |
| 費用 | 自備單車： 免費 - tokyobike / 於本店購買的 STRiDA 😚 $100 - 其他單車 🤟🏻 租借單車： $200- 每人包括一部 tokyobike 🤓 $180- 如果參加過5月任何一場活動（5 月1,20,28）🤟🏻 $180- 學生（whatsapp出示學生證）👩🏻🎓🧑🏻🎓 |
| 名額 | 每團大約20人 租借單車 - 先到先得，即時確認 |
| 報名時間 活動 Briefing |
即日開始，額滿即止 2日前會 send去 大家既whatsapp |
| 馬路：單車徑比例 |
100：0 （此路線沒有單車徑，全程於馬路進行） |
| 如何報名： |
1. 填妥 google form 報名表 2 如需租借單車，請付款及將截圖 whatsapp到 93128538。 **同埋記得幫我地 share 個 post 比身邊朋友 ;p |
| 天氣安排 | 如果落雨或天氣惡劣，活動將會延期進行，詳情會之後與大家緊密聯繫。 |
報名時間表
開始接受報名時間：即日開始 額滿即止
活動 briefing 將會於 2 日之前send 出~
如有任何問題，歡迎直接 whatsapp 93128538
**報名後你將會即時收到 email autoreply 以示你填寫的 email 正確，如果收不到，請先檢查 JUNKBOX 或 垃圾郵件
**如果仍是找不到，那代表你有可能填錯 email，你可以選擇重新再填表一次，或 whatsapp 我們查詢（93128538）。
常見問題：
Q:如果係單車新手可唔可以參加？
A:我地要求參加者需要能夠穩定操控單車的能力，並且有良好正確既踩單車態度。我地好悠閒好慢速，你唔使好勁踩得好快好好技術，但起碼能夠正常跟住大隊踩。如果你操控的唔夠穩定，或者唔夠信心，建議你可以先行自己去借/租一部單車來拿回熟練既感覺。
如果當日活動進行時發現你不適合，基於安全理由及為整個團其他團友著想，您可能需要退出活動而不獲退款。
Q: 我無踩過馬路我可唔可以參加？會唔會好難踩？
A:我地一貫既風格都係帶大家悠閒輕鬆咁探索不同既地方。雖然路線係馬路沒有單車徑，不過我地係挑選左最少人少車既時段同區域，以確保係盡量最安全同最悠閒既時段舉行。一如以往，團長亦會全程照顧睇實大家，確保大家安全。
當然，馬路同全單車徑係唔同既，我地當然要比多 d attention 去留意路面情況。不過如果你想最安全但又好玩咁踩馬路，同我地一齊就係最適合既選擇！