簡介
踏入12月，係時候繼續找數~ 10月尾個陣我地舉辦左通宵版既二部曲。由於唔係個個都頂得順通宵，個陣團長就已經諗住會之後搞一場清晨版，而家就係找數既時候了😙
今次活動係我地「西遊三部曲」入面既第二部曲。三部曲分開三次同大家一齊由觀塘出發經過尖沙咀、荃灣、青山公路入到屯門。雖然今次終點同上次「通宵版」一樣都係荃灣，但團長係今次既路線編排上作出左多樣修改，目的希望同大家以最舒暢最輕鬆既方式慢慢遊盡呢條路線。大家如果有興趣可以按下面睇返我地之前既活動👇🏻
西遊首部曲 – 出觀塘記（2023 May）
西遊二部曲 ep1 （通宵版）- 那夜清晨 我坐上了紅磡踩往荃灣的單車（2023 Oct）
行程簡述
吸取上次經驗，今次我地會改為直接係尖沙咀鐘樓集合出發。同上次一開始要行一大段路唔同，今次一開始就會直接落馬路踩😎我地會首先穿過海港城後面的隱蔽馬路，然後兜過戲曲中心踩去佐敦食個早餐。食完早餐，我地就會正式開始旅程，先經過廟街、然後來到奧運城/富榮花園。呢段好正好旺中帶靜，團長個人十分鐘意。之後我地會穿過南昌公園（推）同大家去一個全新未去過既地方 – 浪澄灣海岸。我地之前從來都未踩過入黎，不過之前團長探路個陣發現呢道其實既舒服，所以決定趁今次機會帶大家來兜一兜。完成我地將會前往昂船洲大橋橋底（最靚景點），然後再沿葵貨櫃碼頭，經過荃灣華人永遠墳場，來到終點荃灣。
有關本次路段之馬路狀況詳細描述，請參考本頁底部，有興趣既朋友報名之前敬請閱讀一遍。
本次活動路線圖
這條路線並不是大家一般自己會去騎乘既路段。如果想了解如果由尖沙咀踩去荃灣，大家可以透過今次去了解。
預計路線 Rundown
實際行程到時或會有所更改，以活動當日為準，以下只供參考
0800 活動集合🛳️
0830 天星碼頭出發🚴🏻♂️🚴🏻♀️
0845-0915 早餐@佐敦🌃
1000 浪澄灣海濱🍨
1045 昂船洲大橋橋底
1130 葵涌貨櫃碼頭🌉
1230 終點荃灣西🏁
*路線長度約 20km
目標客群
本次活動於市區進行，途中將會經過大量行人路需要落車推車、長時間等候紅綠燈、並且會遇到其他無數因為安全理由而需要落車推車步行既時候。本次活動之目標客群為有興趣細心於市區漫遊、以另一角度感受/觀看我城的非專業單車使用者/追求全程享受高速順暢進行之族群。為免於完成活動之後感到失望，如有任何問題敬請事先查詢，報名時敬請留意。
適合/建議你同我地一齊來玩，如果你是…
-踩單車第二，享受過程第一的人😉
-明白/能夠接受於市區踩單車需要不時等紅綠燈的人🙇🏻♂️
-明白/能夠接受本組織舉辦之活動會以安全為首要考量，因此不時因應實際路面情況而需要落車推車行行人路的人🙇🏻♂️🙇🏻♂️
-樂於係市區漫遊穿梭探索的人🤓
-樂於與其他參加者互動/認識新朋友的人😚
-喜歡抱著嘗試新事物心態的人🤗
不適合/不建議，如果你…
-因為任何說不出的原因而被迫出席🫢
-諗住條路會好順好好踩好暢通，唔預期需要停車落車推
沿路風光/景色
活動氣氛節奏
我們的聚會是輕鬆悠閒為主，車速大概是 10﹣15km （或按情況加減），中間會有數個休息停頓hea位比大家休息、影相、互相認識和聊天等。速度和距離並不是我們的重點，最緊要是大家感受到單車帶來的樂趣，嘗試接觸 urban cycling 、 bicycle lifestyle 的文化。
活動主旨
我們希望透過悠閒的單車聚會，在香港帶來一種以 lifestyle 為主的單車生活文化。我們每次都有不同的內容和路線，我們的 dress code 是不穿比賽服飾，大家來的時候只需穿日常運動服/生活服/出街衫便可，大家自己覺得舒服適合安全就好。我們相信如果你穿的輕鬆，你的踩車的時候心態就是輕鬆。重點不是你踩的是什麼單車，而是你踩的時候是否抱著一種輕鬆悠閒，令你快樂，令你對身處於的環境更願意用心細看的心境。這種心情相信大家去旅行的時候都感受過。有興趣的朋友、喜歡踩單車的朋友就來和我們一齊嘗試把這種模式帶到香港，一齊嘗試將單車在這個城市扮演的角色慢慢改變。
活動內容元素：
🚲踩單車漫遊九龍西區
踩單車當然係我地既主菜，今次既路線亦係非常難得同經過精心設計。今次既路線我地希望同大家盡量探索呢區一 d 好玩同值得去既地方之餘，再盡量選擇最少人少車既路段去騎行。
呢條路線一開始會經過比較繁忙既鬧市區域（尖沙咀、佐敦），之後就會慢慢進入較少人煙既地方（南昌、奧運），最後再進入貨櫃碼頭區域（昂船洲大橋、葵涌）等。
🍱一齊早餐 交流
食野可以話係我地活動一個非常重要既環節🙆🏻♂️由於過往活動人數較多，所以我地都要大家分開去唔同既餐廳食完再前進，今次我地同樣會大幅縮減團友數目，務求所有團友都可以一齊去曬同一間餐廳坐低一齊食~ 希望大家可以 close d有多互動交流既機會😙
餐廳方面，今次團長係佐敦揀左一間餐廳~ 呢區其實我地從來都未試過踩入來，希望趁住星期日一朝早比較少人少車既時候同大家來呢度食早晨，帶來全新體驗🙆🏻♂️
📸攝影打卡
咁難得可以同大家一齊踩單車，影相打卡呢 d 指定動作又怎可以錯過~ 今次旅程我地會途徑好幾個適合影相打卡既地方，到時大家可以一邊休息一邊影下相~
如果唔識影相又或者嫌麻煩都唔識擔心~ 團長每次都好樂意幫大家影相😎。所有相團長都會幫大家影好執好係活動之後 send 返比大家📸 大家到時諗定想點影就 ok 了😎
活動詳情
| 日子&時間 活動時間 |
2023年12月17日 (週日) 8am -12:30pm |
| 路線&行程 | 見上 |
| 氣氛 車速 |
輕輕鬆鬆悠悠閑、識朋友、吹下、打卡為主 視乎情況，不過一般都非常慢，大概10﹣15 km |
| dress code |
-日常生活服/出街衫/舒適合適的運動服 -所有參加者必須佩戴頭盔（所有租借單車的客人如果沒有可以向我們借用） -比賽或競技服裝不適用，因為我們所有活動旨在推廣一種生活化的更普羅的城市單車生活模式 🙂 |
| 費用 | 每人$480 （*包括一部tokyobike、頭盔及保險） 以下可享 95 折優惠（$456）🙌🏻 -曾經參加過 9-11月的單車週末聚 -二人同行 -學生 -自備單車 *已包括頭盔及保險 |
| 名額 | 最多 12人（先到先得） |
| 報名時間 活動 Briefing |
即日開始，額滿即止 活動 2日前會 send去 大家既whatsapp |
| 路段比例（只供大約參考） |
繁忙馬路 10-15% 寧靜馬路 60-70% 行人路/推車 15-20% |
| 如何報名： |
1. 填妥 google form 報名表 2 如需租借單車，請付款及將截圖 whatsapp到 93128538。 **同埋記得幫我地 share 個 post 比身邊朋友 ;p |
| 天氣安排 | 若果天氣惡劣，我們將會於活動前2小時通知大家最新安排，並於大家保持緊密聯繫。 |
報名時間表
開始接受報名時間：即日開始 額滿即止
活動 briefing 將會於活動 2 日之前send 出~
如有任何問題，歡迎直接 whatsapp 97811769
**報名後你將會即時收到 email autoreply 以示你填寫的 email 正確，如果收不到，請先檢查 JUNKBOX 或 垃圾郵件
**如果仍是找不到，那代表你有可能填錯 email，你可以選擇重新再填表一次，或 whatsapp 我們查詢（93128538）。
參加者技術要求：
今次活動於馬路路段進行，所有參加者必須能夠純熟且穩定地操控單車。所有參加者均需於活動進行前通過單車操控測試，穩定地兜「8字彎」。如果參加者未能夠穩定操控單車，可能會即場被取消參加資格，參加費用將會按情況扣除手續費後退回。
如對此部分有任何查詢，歡迎於報名前 whatsapp 聯絡查詢：(+852) 9781-1769
常見問題：
Q:如果係單車新手可唔可以參加？
A:不管是否新手，我地要求參加者需要能夠穩定操控單車的能力，並且有正確且安全的踩單車態度。我地活動既會以悠閒及篇慢節奏好前進。火星
如果當日活動進行時發現你不適合，基於安全理由以及為您和其他團友著想，您有可能會被即場取消參加資格。
Q: 如果當日天氣惡劣/落雨既話如何處理？
A: 一般如果係驟雨既話我地會照去，到時會避雨同埋非常慢咁踩。
如果真係滂沱大雨，我地一般會係活動當日出發最少 2 小時前通知大家如何處理。如果活動需要取消，您可以保留名額下次參加，或者選擇退款。
Q:活動一定要佩戴頭盔？
A:對，為保障大家既安全，雖然我地既速度好慢，不過都依然需要大家佩戴頭盔。
路線描述及安全指引
由於本次地點位於市區，故此活動將會於馬路進行。馬路是市區唯一騎乘單車的合法路段，我們將會遵守一切交通規則與法例，但仍然會比於單車徑騎行更為危險。我地選擇既道路全部都會係盡量比較少車的非主要幹道。除非有必須要，才會以最低限度既情況與較為繁忙既街道上進行。基於安全考慮，所有參加者必須懂得熟悉地操控單車踩可以參加。
尖沙咀-佐敦段-此段路程位於繁忙的市中心區域。由於舉行時間為週日早上8-9am（非繁忙時間），預計路面會比平時較為少人少車，但仍需全程注意安全。如果到時情況適合，我地會全程盡量踩。相反，為符合道路方向、遵守交通規則、活動路線設計及顧及安全，到時有可能會需要落車推車，敬請大家耐心等候。一切以到時現場情況為准。
奧運-南昌段-此段路程我地將會離開最繁忙的區域，進入較少人既區域。同樣的，為左安全考量，我地預計有某些路程需要落車推車走行人路（e.g. 海泓道）。再到達南昌公園的時候，我地所有人均需落車推車穿過公園，及後公園連著的天橋亦不可以騎行，到時大家均需落車推車。於浪澄灣的海濱公園亦不可騎行，需要推車。
昂船洲大橋>荃灣段-此段路線將會是全日最暢順的路段，基本上全都於馬路上進行。進入昂船洲大橋底之前會經過污水處理廠（或有難聞氣味，大約 10 秒左右就會踩過），然後就會一路沿著馬路直踩。值得留意的是，這路段平日主要為貨櫃車出入的路段，不過路面較為廣闊及有多條行車線。再加上週日為公眾假期，雖然仍會有貨櫃車進出，不過數量不多，加上我們在路邊前進，故此預計影響不大。
本活動於市區進行，受制於道路設計及交通法例、以及安全考量，參加者需預計會有相當程度的於行人路上推車，等待紅綠燈過馬路等等。所有參加者均需耐心等候活動進行、遵守現場工作人員之指示。
馬路危險提示：
-凹凸不平的路段、碎石、其他不能預計的障礙物等
-其他單車駕駛者/車輛
-複雜的馬路線標誌
有關保險：
本活動會為每位參加者投保港幣 $200,000 身故保險及 $5000 醫療保險。另外由於本次活動於馬路路段進行，故此請大家衡量自己需要，自行購買相關的額外保險（例如運動保險，微保險等）。