2023年春天 (1-3月)。橋上的車兒

內容
千呼萬喚，全港第一條海上單車徑終於開通，大家唔使去旅行都可以感受到係橋上踩單車吹住海風個種令人心曠神怡既感覺！隨著將軍澳跨灣大橋既開通，呢度將會係另一個踩單車既熱門地點。不過除了大橋，其實將軍澳既單車網絡亦十分完善，連貫住整個區內既不同景點。

由現在到2023年4月尾，我地會係將軍澳 Ocean Popwalk 海天晉滙提供 tokyobike 租借服務。與此同時，我地亦趁住呢個機會，同大家來一趟將軍澳漫遊探索，除了飽覽橋上風光，亦會同大家一齊踩盡區內既單車徑，拜訪值得到此一遊的地方。畢竟將軍澳係我地從來未同大家踩過既地方。

路線
今次我地將會一貫地同大家踩一條由團長親自設計既將軍澳線。起點係將軍澳Ocean PopWalk 海天晉滙（呢度亦係我地提供tokyobike 租借既地方）。我地會先沿著將軍澳海濱長廊先上大橋，然後經日出康城正式開始我們的行程，途中我地會經過調景嶺碼頭，Green Field 小草原（打卡），再沿著單車徑前往寶林，途中會漫遊探索整個將軍澳區，還有常寧街的白色柱陣（打卡一流），遊盡區內的不同面貌。參觀完文曲公園的中式庭院後，我們會經大橋的另一面（日出康城）返回終點，飽覽大橋的不同角度。按我地既傳統，團長依然係會同大家沿路拍攝靚仔靚女相。我地之前試團踩過一次，可以保證一定令大家滿意😗

預計 Rundown
1100 Ocean PopWalk 集合
1120 將軍澳海濱長廊 + 跨彎大橋
1145 調景嶺碼頭
1215 Green Field 小草原
1245 寶林村（舊屋村商場）
1300 常寧街白色柱陣
1330 文曲里公園
1400 跨灣大橋折返

查詢
whatsapp : 9312 8538

氣氛、適合對象
我們的聚會是輕鬆悠閒為主，每位參加者將會被安排一部 tokyobike。技術方面沒有任何要求，只要懂得踩單車即可，最緊要是遵守所有交通規則。車速大概是 10﹣15km （或按情況加減），中間會有數個休息停頓hea位比大家休息、影相、互相認識和聊天等。速度和距離並不是我們的重點，最緊要是大家感受到單車帶來的樂趣，嘗試接觸 urban cycling 、 bicycle lifestyle 的文化。自己本身沒有單車又想參加的朋友我們有少量的靚靚 city bike 可供租借。

活動主旨
我們希望透過悠閒的單車聚會，在香港帶來一種以 lifestyle 為主的單車生活文化。我們每次都有不同的內容和路線，我們的 dress code 不穿運動或比賽服飾，大家來的時候只需穿日常生活服/出街衫便可， fashion 一點更好。我們相信如果你穿的輕鬆，你的踩車的時候心態就是輕鬆。重點不是你踩的是什麼單車，而是你踩的時候是否抱著一種輕鬆悠閒，令你快樂，令你對身處於的環境更願意用心細看的心境。這種心情相信大家去旅行的時候都感受過。有興趣的朋友、喜歡踩單車的朋友就來和我們一齊嘗試把這種模式帶到香港，一齊嘗試將單車在這個城市扮演的角色慢慢改變。