活動後記
（網頁速度一般，圖片較多，請耐心等候🙏🏻）
內容
今年整整頭4 個月，我地都同大家係將軍澳漫遊探索。隨著春天悄悄的離開，我地亦要準備好心情等待夏日的到來🕶️
早係 2-3 月寒冬時分，團長獨個兒逢周日早上踩單車漫遊探索一番。起點由觀塘既鋪頭出發，最初係諗住無無聊聊求其踩下，點知越踩越覺得正，最後踩下踩下由觀塘踩左去屯門😹 亦都因此發現左呢條真心覺得正既路線比大家。咁有好野當然係要同大家分享🫰🏻 上次復活節既時候有團友話都想跟我地踩下呢 d 路線，因為自己根本唔識踩 & 唔會踩到去。因此我地就不如帶大家漫遊一次呢條對我地（同大家）黎講都算係史詩級既路線。對於想係市區踩多 d 朋友，非常要留意我地呢個系列既活動👍🏻
由於路線橫跨九龍東到新界西，故此我地黎緊將會以至少「三部曲」既形式進行：
首部曲：觀塘 》紅磡（出觀塘記）
二部曲：尖沙嘴 》荃灣西
三部曲：荃灣西 》屯門
由於係市區需要踩馬路，因此我地選擇左係星期日既一大清早出發，希望係最唔繁忙既時分踩呢條路線，盡量避開其他車同人。
路線
今次既路線一貫地都係會非常豐富，首先我地會係觀塘出發，之後我地會經過茶果嶺住踩入鯉魚門，邊感受漁村風情邊食個早餐。之後便會折返並且一路向西，經過觀塘、九龍灣、土瓜灣，向終點紅磡前進。
由於是市區路線，途中我地會有大量打卡既休息停頓位~
預計 Rundown
830 集合 @ 觀塘碼頭
900 出發
930 早餐 @ 鯉魚門
1030 觀塘海濱
1130 九龍灣
1215 土瓜灣
1300 紅磡
氣氛、適合對象
我們的聚會是輕鬆悠閒為主，每位參加者將會被安排一部 tokyobike。技術方面沒有任何要求，只要懂得踩單車即可，最緊要是遵守所有交通規則。車速大概是 10﹣15km （或按情況加減），中間會有數個休息停頓hea位比大家休息、影相、互相認識和聊天等。速度和距離並不是我們的重點，最緊要是大家感受到單車帶來的樂趣，嘗試接觸 urban cycling 、 bicycle lifestyle 的文化。自己本身沒有單車又想參加的朋友我們有少量的靚靚 city bike 可供租借。
活動主旨
我們希望透過悠閒的單車聚會，在香港帶來一種以 lifestyle 為主的單車生活文化。我們每次都有不同的內容和路線，我們的 dress code 不穿運動或比賽服飾，大家來的時候只需穿日常生活服/出街衫便可， fashion 一點更好。我們相信如果你穿的輕鬆，你的踩車的時候心態就是輕鬆。重點不是你踩的是什麼單車，而是你踩的時候是否抱著一種輕鬆悠閒，令你快樂，令你對身處於的環境更願意用心細看的心境。這種心情相信大家去旅行的時候都感受過。有興趣的朋友、喜歡踩單車的朋友就來和我們一齊嘗試把這種模式帶到香港，一齊嘗試將單車在這個城市扮演的角色慢慢改變。
沿路風光
活動詳情
| 日子&時間 |
2023年 5月1日（ 週一，第一場）9:30am - 1pm 5月28日（週日，第二場）9:30am - 1pm |
| 路線&行程 | 830 集合 @ 觀塘碼頭 900 出發 930 早餐 @ 鯉魚門 1030 觀塘海濱 1130 九龍灣 1215 土瓜灣 1300 紅磡 |
| dress code |
日常生活服/出街衫 *比賽及運動服裝不適用，因為我們所有活動旨在推廣一種生活化的更普羅的城市單車生活模式 🙂 |
| 氣氛 車速 |
輕輕鬆鬆悠悠閑、識朋友、吹下、打卡為主 視乎情況，不過一般都非常慢，大概10﹣15 km |
| 費用 | 自備單車： 免費 / 自由定價（如果額滿將會抽籤）😽 租借單車： $150-每人包括一部 tokyobike 🤓 $135-如果參加過對上一次活動（Apr7 或 Apr9 ）🤟🏻 $125-學生（whatsapp出示學生證）👩🏻🎓🧑🏻🎓 |
| 名額 | 每團大約20人 自備單車 - 如果額滿將會抽籤 租借單車 - 先到先得，即時確認 |
| 報名時間 截止報名時間 報名結果通知 |
即日開始 4月28日9pm（第一場）&5月25日9pm（第二場） 截止當晚 10pm 會透過 whatsapp 直接通知大家。 租借單車的朋友將會即時獲得確認~ |
| 馬路：單車徑比例 |
100：0 （此路線沒有單車徑，全程於馬路進行） |
| 如何報名： |
1. 填妥 google form 報名表 2 如需租借單車，請付款及將截圖 whatsapp到 93128538。 **同埋記得幫我地 share 個 post 比身邊朋友 ;p |
| 天氣安排 | 如果落雨或天氣惡劣，活動將會延期進行，詳情會之後與大家緊密聯繫。 |
報名時間表
開始接受報名時間：即日開始
截止報名時間為： 4月28日9pm（第一場）&5月25日9pm（第二場）
結果公佈時間為：截止當晚 10pm 會透過 whatsapp 直接通知大家。 租借單車的朋友將會即時獲得確認~
如有任何問題，歡迎直接 whatsapp 93128538
**報名後你將會即時收到 email autoreply 以示你填寫的 email 正確，如果收不到，請先檢查 JUNKBOX 或 垃圾郵件
**如果仍是找不到，那代表你有可能填錯 email，你可以選擇重新再填表一次，或 whatsapp 我們查詢（93128538）。
常見問題：
Q:如果係單車新手可唔可以參加？
A:我地要求參加者需要能夠穩定操控單車的能力，並且有良好正確既踩單車態度。我地好悠閒好慢速，你唔使好勁踩得好快好好技術，但起碼能夠正常跟住大隊踩。如果你操控的唔夠穩定，或者唔夠信心，建議你可以先行自己去借/租一部單車來拿回熟練既感覺。
如果當日活動進行時發現你不適合，基於安全理由及為整個團其他團友著想，您可能需要退出活動而不獲退款。
Q: 我無踩過馬路我可唔可以參加？會唔會好難踩？
A:我地一貫既風格都係帶大家悠閒輕鬆咁探索不同既地方。雖然路線係馬路沒有單車徑，不過我地係挑選左最少人少車既時段同區域，以確保係盡量最安全同最悠閒既時段舉行。一如以往，團長亦會全程照顧睇實大家，確保大家安全。
當然，馬路同全單車徑係唔同既，我地當然要比多 d attention 去留意路面情況。不過如果你想最安全但又好玩咁踩馬路，同我地一齊就係最適合既選擇！