序。盛夏的風和海…
非常感恩六月可以順利咁同大家完成東涌之旅❤️ 踏入盛夏既七月，我地繼續同大家踩著 tokyoibke 遊歷唔同既地方☀️今次我地同樣會分為上下午兩條路線，邊感受著盛夏既氣息，邊享受著沿路既風和海…
上午場「船灣流浪記」我地會同大家到訪宏偉既船灣淡水湖及隱世既三門仔；
下午場「鞍山風情畫」我地就會去到山海既盡頭泥衝石灘及躲藏在小樹林中既渡船灣沙灘。
今次上下場既路線包含整個大埔到馬鞍山既沿海路線，期待到時同大家一起感受夏日海邊既氣息！
上午場 「船灣流浪記」🌊
10am – 2:30pm
由太和出發，先到訪鐵路博物館，再以船灣淡水湖水壩為旅程目標，回程時順道經過三門仔，同大家踩住單車探索各個大埔沿海美景。
預計行程：
1000 出發@太和站 （0930集合）🚲🚲
1010 大埔鐵路博物館 🛤️🚃
1050 早餐&自備乾糧 @大埔廣場🍪
1130 出發遠征大美督🌊
1230 船灣淡水湖 水壩🎣
1310 三門仔⛵️
1430 終點 @ 太和站🏁
(約 25km)
（行程只供參考，或會因天氣或現場實際情況有所更改，以活動當日為準）
下午場「鞍山風情畫」🌅
3-7:30pm
由太和出發，先探秘隱世既元洲仔直升機坪，然後沿著吐露港海岸線於日落時前往泥涌石灘，最後到渡頭灣/烏溪沙看日落，期待到時有個美麗好天色。
預計行程：
1500 出發@太和站（1430 集合）🚲🚲
1515 元洲仔直升機坪🚁
1545 吐露港海濱⛲️
1700 中途補給 @ 盈海🍹
1730 泥涌🦀
1800 前往渡頭灣 / 烏溪沙睇日落🌄
1930 終點@大水坑站🏁
(約 24km)
（行程只供參考，或會因天氣或現場實際情況有所更改，以活動當日為準）
上午場景點🏞️
預計停留約 15-20分鐘
香港鐵路博物館
(法定古蹟)
位於太和站附近既香港鐵路博物館，係團長期待已經想同大家到訪既地方。難得今次同大家日頭踩大埔，當然唔可以錯過~ 建於 1913 年，呢度係舊大埔墟火車站既原址，後來因為電氣化火車既引進，新大埔墟站係 1983 年投入服務，呢度就係 1984 正式成為法定古蹟。
博物館而家展出香港鐵路既發展歷史，以及好多珍貴既藏品同照片。重點當然仲有7部歷史車卡供市民遊覽同感受氣氛。期待到時同大家遊覽一番~
船灣淡水湖水壩
建於1968 年，船灣淡水湖係香港第二大水塘（儲水量達到2.30億立方米），亦是全球首個在海中興建的水塘。呢個構思當年係一個大膽既想法，但亦成功成為當時香港一個重要既食水來源。時至今日我地已經唔使擔心「制水」，但假如東江水設施需要維修，又或者遇到乾旱或夏季用水高峰期，香港既水塘需要足夠維持6個月既用水，所以船灣淡水湖既地位仍然非常重要。
除此之外，呢度既景色亦係一絕，可以話係香港其中一個踩單車最有特色、景色最靚既地方。團長期待到時可以同大家係呢度影多啲靚相！
三門仔避風塘
大美督比較常聽，但三門仔就比較冷門同隱世，不過論景色同舒適度，團長認為呢度同樣值得到此一遊。
三門仔村為一條歷史悠久的漁村，由於昔日位置連接船灣和赤門形成三道小水道，因而叫做「三門仔」。村民大部分都係水上人，主要供奉天后娘娘，一到步就能夠感受到非常寫意既漁村風情。
三門仔既單車徑係上年暑假先開通，雖然呢度並唔係一個熱門宏偉既景點，但就有一種寧靜安逸既氣氛。坐係防波提上能夠邊聽住海浪聲，邊感欣賞八仙嶺及馬鞍山既湖光山色，舒服得令人忘憂。
上午場沿途景色🏞️
沿途經過的景色 / 稍作停頓休息，不會長時間逗留
太和橋
位於林村河上，排行「紅磚綠瓦三兄弟」的中間位置，有一條古色古香、充滿歷史、亦係附近居民每日生活必經既太和橋。相傳係光緒十八年（1892 年）居民要花二文錢乘橫水渡先可以來往大埔舊墟同太和，因此便有人提議起呢條橋來方便居民，用來對抗在林村河以南建立的大埔舊墟市，後來呢座外型帶有中國建築特色嘅橋便於光緒廿二年落成。
每次到訪呢條橋都看到居民熙來攘往，充滿生氣，當日我地亦會渡過此橋前往鐵路博物館。
大埔廣場
團長一向鐘意同大家揾平民美食，今次我地會帶大家去大埔廣場作為補給站~ 呢度有各式各樣既餐廳&美食，我地會係呢度填飽肚子，準備好水同乾糧，之後就向大美督進發！
大埔海濱公園
大埔海濱公園相信大家可能都去過~ 作為全港最大既公園，同時亦有一條美美既單車徑串連著，多年黎呢度都係我地最愛既路線之一，一旁可以眺望吐露港，一旁就係茂密既樹蔭。
除左回歸紀念塔，呢度仲有1,200米的海濱長廊、模型船池、露天劇場、昆蟲屋、風箏場、西式花園、同埋婚禮草坪等等~ 日後有機會同大家再來遊玩~
大尾督單車徑
踩入大美督既路程算係一段小長征，來回差不多有20幾公里。呢段係舒適既單車徑，中途有上斜落斜，好天時兩旁樹影婆娑，仿佛穿梭於樹林之中，充滿夏日感。
大尾督碼頭
大尾督碼頭位於水壩對落，係踩入水壩必經既地方之一。碼頭附近有士多可以供大家稍作補給。雖然呢個只係一個小小嘅碼頭仔，但係好天時由遠處望過去見到天海一色，再加上周圍停泊既漁船作為點綴，絕對係一幅美麗既圖畫~
週末時間呢度有船來往馬鞍山同馬料水。
大埔龍尾泳灘
龍尾灘係2022年開幕，長大約200 米，係大埔區第一個泳灘，亦係繼屯門黃金泳灘後第二個人工沙灘~沙灘有個好靚既觀景台，可以比大家邊休息邊欣賞海灘景色。另外兩旁亦各有一條常常既護沙堤，好天時係打卡既絕美勝地。
團長預計今次只能夠同大家路過呢個傳說中嘅「港版墾丁」，期待到時有藍天碧海比我地感受一下濃濃嘅夏熱氛圍！
下午場景點🌅
預計停留約 15-20分鐘
泥涌石灘、魔幻森林等…
泥涌係馬鞍山單車徑盡頭到達既地方，呢度而家係一個隱世偏僻既濕地地區，附近充滿紅樹林。我地預計活動當日來到既時候正值潮退，能夠近距離觀賞同親身感受到石灘既景色。
呢度仲有好多唔同既景點，包括斷橋、紅色碼頭、日系紅木欄杆、魔幻森林同埋放牧緊既牛。每個景點都有自己既特色之餘，亦有到訪既限制，就到時睇下我地好唔好運咯！
元洲仔直升機坪
相信呢個位並唔係咁多人知道，我地之前因為唔同機會來過好幾次，每次依然都能夠令我地感到驚喜。所以今次希望可能係「單車周末聚」帶大家來一次。
元洲仔就位於吐露港既單車徑旁，1000 年前呢度曾經係著名採集珍珠既地點。去到上個世紀，呢度先後為新界理民官官邸及政務司官邸。官邸而家呢度已經成為古跡變成自然環境保護研究中心。至於我地會到訪既直升機坪就位於一條佈滿荒草既小道既盡頭。穿過小道，就可以飽覽豁然開朗既吐露港景色。
隱世渡頭灣沙灘
渡頭灣沙灘位於馬鞍山烏溪沙入面既一條隱世小村，大部分人一般都會去烏溪沙沙灘遊玩駐足。不過團長最近發現左原來毗鄰5分鐘路程既渡頭灣原來都好吸引，呢度既氣氛比較寧靜安逸，更適合我地自成一角，期待到時同大家係呢度度過日落既時光。
渡頭灣係目前馬鞍山內的唯一漁村，不少原居民仍於當地居住。70 年代既時候呢度受日本影響開採磁鐵礦成為礦業重鎮。後來因為政府發展馬鞍山新市鎮，所以村內居民逐漸遷走，而家大部份居民都為退休漁民，前舖後居，係假日為市民提供水上消閒活動。
下午場沿途景色🏞️
沿途經過的景色 / 稍作停頓休息，不會長時間逗留
大埔林村河畔
林村河既源頭來自於大帽山既猴岩頂，海拔約740米，上游由梧桐寨瀑布開始，經過林村谷，慢慢係匯合大埔河經廣福邨流入吐露港。林村河畔同大埔海濱公園相連，同樣我地喜愛既區內單車徑路段。縱橫交錯既小路可以帶我地去到區內唔同既地方，包括鐵路博物館、大埔廣場等。
白石角梯台
白石角梯台係吐露港上既一個休息勝地，每次經過我地都會係度休息下吹下海風。呢度無論係同三五知己吹水，獨自發呆或者踩單車中途休息都十分適合。
雙子橋
雙子橋位於城門河出口旁，是單車往返大埔及馬鞍山的必經之路，亦係附近休息既聚腳地。由於這是兩條並排的橋樑，所以又稱為『孖橋』。由呢度可以眺望整條城門河既景色，一邊係沙田，另一邊就係馬鞍山。
團長每次經過呢條橋嘅時候都被城門河兩旁既景色吸引，感覺就好似搭雙層巴士嘅時候上層頭位咁開揚。
馬鞍山單車徑&沙田海
講到明係盛夏的風和海，梗係要一路踩單車一路享受海風同海景~ 每次好天踩呢條路都會感受到一股日劇嘅青春感。
烏溪沙碼頭
被CNN評選為「香港欣賞浪漫夕陽的最佳海灘」的烏溪沙石灘，咁難得來到呢區，我地都會同大家經過逛逛。佢既地理位置十分方便，有單車徑直達。沙灘中央有個碼頭，面向吐露港、背靠馬鞍山，同時可以將觀音像同八仙嶺嘅景色收盡眼底~
黃昏時候呢度十分漂亮。
城門河
城門河係沙田區既最主要既單車徑，日落之後既天色會將河渲染的非常漂亮。今次活動我地將會 open end。日落之後我地會由馬鞍山折返，視乎情況，我地會沿著城門河前進以石門/ 沙田圍作為終點。
活動特色
日本 tokyobike
所有單車均為日本 @tokyobike.hk，又靚又好踩，改變你對單車既睇法！
輕鬆悠閒踩
踩單車唔一定要比賽競速鬥快，讓我地一齊輕輕鬆鬆，放空一個週末！
攝影打卡，記錄香港景點
踩單車打卡影靚相是常識吧，等我地帶大家一齊去不同景點，做大家半日既攝影師！
認識不同朋友
透過踩單車，大家可以認識有共同興趣既朋友，打開生活既不同可能！
活動詳情
報名時間表
開始接受報名時間：即日開始 額滿即止
活動 briefing 將會於活動 2 日之前send 出~
如有任何問題，歡迎直接 whatsapp 97811769
**報名後你將會即時收到 email autoreply 以示你填寫的 email 正確，如果收不到，請先檢查 JUNKBOX 或 垃圾郵件
**如果仍是找不到，那代表你有可能填錯 email，你可以選擇重新再填表一次，或 whatsapp 我們查詢（93128538）。
常見問題：
如果係單車新手可唔可以參加？
可以，最緊要係你可以穩定咁操控單車。
我有興趣想來，但好多年冇踩單車，會唔會唔適合參加這個活動？
如果你好多年無踩，或者唔太記得點踩。建議你可以係活動前揾機會去練習下，例如到我地將軍澳租返架單車踩一踩，攞返個手感。幾多年無踩過唔係重點，關鍵係你能夠穩定咁操控單車🙌🏻
我係新手，未黎過你地活動，你地踩得快唔快？速度上會唔會跟唔上？🙈
我地既速度其實係以龜速🐢進行，慢係我地既一大原則😆（係路段許可既情況下）。因為我地主要都係踩單車徑，同埋如果落斜路既話，我地會要求只可剎車，不可加速，一定要好慢咁落。上斜既話我地亦會建議團友落車慢慢推，唔使心急，保留體力~ 當然你踩到既話歡迎隨便🤗
基本上我地都係盡量以最慢，最安全既速度咁去踩既👌🏻
我係新手，未黎過你地活動，自己一個來會唔會好尷尬🫣
我地好歡迎新朋友一起來參加我地既活動，一個人來係好常見的，唔使覺得尷尬😙 一個人就有機會慢慢認識其他團友~ 當然尷尬與否都要睇你自己，如果到時真係揾唔到人傾偈，就跟住團長慢慢踩啦🤣
可以直接租借你地既 tokyobike 來練習嗎?
可以啊，我地係將軍澳有提供 tokyobike 租借服務，踩既單車正正係活動當日會踩既單車。你可以直接熟練一下。如果你報名參加活動，租借單車可獲 8 折優惠👌🏻
（tokyobike 租借網站）
今次呢條路線難唔難？
兩條路線主要係踩單車徑，都算係新手friendly，唔算太複雜。
如果當日天氣惡劣/落雨既話如何處理？
如果出發前落大雨，我地會係活動出發前最少 2 小時前通知改期。
如果係驟雨/ 或者出發途中落雨，我地會如常舉行。
如果踩既途中落雨，我地會等停雨再慢慢繼續行程。
值得一提是夏天是雨季，天氣變化較大，除非天文台事先已經預測會整日落雨，否則如果係局部地區性驟雨我地一般會繼續進行，團友報名時請留意。
如果活動改期而你未能出席，你可以選擇退款。
報名後如果想取消怎麼辦，可以退款嗎？
除非因天氣導致活動改期，否則我地所有報名費不會因為私人原因退款。
如果你報名後來不到，你可以找朋友頂替。
如果沒人頂替，你可以保留名額 60日。
活動一定要佩戴頭盔？
現時法例並無規定一定要佩戴頭盔，但如果參加者有需要的話可以向我們租借。
活動主旨
我們希望透過悠閒的單車聚會，在香港帶來一種以 lifestyle 為主的單車生活文化。我們每次都有不同的內容和路線，我們的 dress code 是不穿比賽服飾，大家來的時候只需穿日常運動服/生活服/出街衫便可，大家自己覺得舒服適合安全就好。我們相信如果你穿的輕鬆，你的踩車的時候心態就是輕鬆。重點不是你踩的是什麼單車，而是你踩的時候是否抱著一種輕鬆悠閒，令你快樂，令你對身處於的環境更願意用心細看的心境。這種心情相信大家去旅行的時候都感受過。有興趣的朋友、喜歡踩單車的朋友就來和我們一齊嘗試把這種模式帶到香港，一齊嘗試將單車在這個城市扮演的角色慢慢改變。
活動氣氛節奏
我們的聚會是輕鬆悠閒為主，車速大概是 10﹣15km （或按情況加減），中間會有數個休息停頓hea位比大家休息、影相、互相認識和聊天等。速度和距離並不是我們的重點，最緊要是大家感受到單車帶來的樂趣，嘗試接觸 urban cycling 、 bicycle lifestyle 的文化。
目標客群
本次活動於市區進行，途中將會經過大量行人路需要落車推車、長時間等候紅綠燈、並且會遇到其他無數因為安全理由而需要落車推車步行既時候。本次活動之目標客群為有興趣細心於市區漫遊、以另一角度感受/觀看我城的非專業單車使用者/追求全程享受高速順暢進行之族群。為免於完成活動之後感到失望，如有任何問題敬請事先查詢，報名時敬請留意。
適合/建議你同我地一齊來玩，如果你是…
-踩單車第二，享受過程第一的人😉
-明白/能夠接受於市區踩單車需要不時等紅綠燈的人🙇🏻♂️
-明白/能夠接受本組織舉辦之活動會以安全為首要考量，因此不時因應實際路面情況而需要落車推車行行人路的人🙇🏻♂️🙇🏻♂️
-樂於係市區漫遊穿梭探索的人🤓
-樂於與其他參加者互動/認識新朋友的人😚
-喜歡抱著嘗試新事物心態的人🤗
不適合/不建議，如果你…
-因為任何說不出的原因而被迫出席🫢
-諗住條路會好順好好踩好暢通，唔預期需要停車落車推
路線描述及安全指引
上午場-「船灣流浪記」
本路線有 2 種不同路段，大致分佈和描述如下：
1）單車徑 90%
我地主要會沿著單車徑於區內遊走，拜訪各個主要景點。單車徑上有各種交通規則依然要遵守，並且需要注意騎乘安全及其他路人。請大家出發前參閱運輸處的安全指引。
2）馬路路段 10%
在進入香港鐵路博物館的路段，我們將需要按照交通法例於馬路上騎行。此段路線主要為單程直路。該路段交通一般不算繁忙。
🎬安全單車短片
以下有兩條運輸處製作有關單車安全的短片，請大家出發務必觀看和了解：
1 騎單車基本技巧（上/ 下午場的團友都要睇）
https://www.youtube.com/watch?v=TjUf843vfJk
2 實戰篇：馬路上（參加下午場的團友必睇）
下午場-「鞍山風情畫」
本路線主要有 3 種不同路段，大致分佈和描述如下：
1）馬路路段 ~5%
在進入機場跑道尾的南環路段，我們將需要按照交通法例於馬路上騎行。此段路線主要為單程直路。視乎到時參加者人數，我們將會分開小隊進行。該路段交通一般不算繁忙，但由於行車線不是特別闊，加上會有巴士、泥頭車或其他大型車輛行走，為安全起見，到時我們有可能會於後方車輛駛到時稍作停頓讓其超越我們隊伍後，再繼續前進。另外，若果我地係現場發現任何團友有危險，或者單車程度不適宜踩該馬路路段，我地將會安排工作人員帶領有關團友在行人路以步行方式進入。
回程時我們需要經過2個回旋處，到時我們會視乎情況採取最安全既情況前進，包括上行人路推車及於沒有車輛駛過時才前進。
2）單車徑 85%
我地主要會沿著單車徑於區內遊走，拜訪各個主要景點。單車徑上有各種交通規則依然要遵守，並且需要注意騎乘安全及其他路人。請大家出發前參閱運輸處的安全指引：
3）行人路推車 10%
主要係由渡頭灣往返的這一段。由於這段是行人路，故此大家需要落車推車。