序
最熱既 6-8 月已經過去，今年最大既遺憾，就係夏天同大家搞得唔夠多活動。雖然上兩次活動（6 月東沖 & 8月大埔）都同大家玩得好開心好轟烈，不過如果可以同大家踩多啲會再開心啲。
踏入秋季我地會同大家再次舉辦「橋上的車兒」。我地希望可以同大家keep 住每個月都有固定既活動。除左 weekend 之外我地今次仲會試下搞一次閒日夜晚（11 月 19 日，三），主打一啲平時無得放 weekend 既朋友仔！
同之前既「橋上的車兒」一樣，我地依然係會同大家玩盡將軍澳（包括大橋、竣瀅後山草原/將軍澳工業區、寶林、坑口 etc)。除此之外，今日我地特登提早左出發時間，係日落時分開始，希望同大家睇到最靚既 magic hours！
行程
今次既行程我地重新編排~
首先由我地鋪頭@海天晉滙出發經跨彎大橋去到康城，然後視乎天色決定前往後山草原或會將軍澳工業區。之後我地會前往寶林晚飯+阿波羅😋。最後經文曲裡公園 + 睇埋大橋燈飾，返回起點。
預計行程：
1700 出發@將軍澳 （1630集合）🚲🚲
1715 經過跨彎大橋 🛤️🚃
1745 竣瀅後山草原/ 將軍澳工業區(視乎情況)🍪
1815 踩入坑口🌊
1915 晚飯@寶林🎣
2000 前往文曲里公園⛵️
2030 大橋燈飾
2100 終點 @海天晉滙🏁
（行程只供參考，或會因天氣或現場實際情況有所更改，以活動當日為準）
沿途景點🏞️
活動主旨
我們希望透過悠閒的單車聚會，在香港帶來一種以 lifestyle 為主的單車生活文化。我們每次都有不同的內容和路線，我們的 dress code 是不穿比賽服飾，大家來的時候只需穿日常運動服/生活服/出街衫便可，大家自己覺得舒服適合安全就好。我們相信如果你穿的輕鬆，你的踩車的時候心態就是輕鬆。重點不是你踩的是什麼單車，而是你踩的時候是否抱著一種輕鬆悠閒，令你快樂，令你對身處於的環境更願意用心細看的心境。這種心情相信大家去旅行的時候都感受過。有興趣的朋友、喜歡踩單車的朋友就來和我們一齊嘗試把這種模式帶到香港，一齊嘗試將單車在這個城市扮演的角色慢慢改變。
活動氣氛節奏
我們的聚會是輕鬆悠閒為主，車速大概是 10﹣15km （或按情況加減），中間會有數個休息停頓hea位比大家休息、影相、互相認識和聊天等。速度和距離並不是我們的重點，最緊要是大家感受到單車帶來的樂趣，嘗試接觸 urban cycling 、 bicycle lifestyle 的文化。
活動氣氛&特色
日本 tokyobike
所有單車均為日本 @tokyobike.hk，又靚又好踩，改變你對單車既睇法！
輕鬆悠閒踩
踩單車唔一定要比賽競速鬥快，讓我地一齊輕輕鬆鬆，放空一個週末！
攝影打卡，記錄香港景點
踩單車打卡影靚相是常識吧，等我地帶大家一齊去不同景點，做大家半日既攝影師！
認識不同朋友
透過踩單車，大家可以認識有共同興趣既朋友，打開生活既不同可能！
活動詳情
| 日子&時間 活動時間 |
2024年 -9月29(六) -10月19(日) -11月19(二) -11月30(六) 5pm - 9pm |
| 路線&行程 | 見上 |
| 氣氛 車速 |
輕輕鬆鬆悠悠閑、識朋友、吹下、打卡為主 視乎情況，不過一般都非常慢，大概10﹣15 km |
| dress code |
-日常生活服/出街衫/舒適合適的運動服 -所有參加者必須佩戴頭盔（所有租借單車的客人如果沒有可以向我們借用） -比賽或競技服裝不適用，因為我們所有活動旨在推廣一種生活化的更普羅的城市單車生活模式 🙂 |
| 費用 | 💰費用 每人：$220 6/8 月來過：$200 之前來過3 次：$180 （已包括 @tokyobike.hk及頭盔） . 💰自備單車 tokyobike車主：$70 其他車種：$120 |
| 名額 | 每場12-16人 (6人成團) |
| 報名時間 活動 Briefing |
即日開始，額滿即止 活動 2日前會 send去 大家既whatsapp |
| 路段比例（只供大約參考） |
單車徑 85% 馬路 10% 其餘 5% |
| 如何報名： |
1. 填妥 google form 報名表 2 如需租借單車，請付款及將截圖 whatsapp到 93128538。 **同埋記得幫我地 share 個 post 比身邊朋友 ;p |
| 天氣安排 | 若果天氣惡劣，我們將會於活動前2小時通知大家最新安排，並於大家保持緊密聯繫。 |
報名時間表
開始接受報名時間：即日開始 額滿即止
活動 briefing 將會於活動 2 日之前send 出~
如有任何問題，歡迎直接 whatsapp 97811769
**報名後你將會即時收到 email autoreply 以示你填寫的 email 正確，如果收不到，請先檢查 JUNKBOX 或 垃圾郵件
**如果仍是找不到，那代表你有可能填錯 email，你可以選擇重新再填表一次，或 whatsapp 我們查詢（93128538）。
常見問題：
如果係單車新手可唔可以參加？
可以，最緊要係你可以穩定咁操控單車。
我有興趣想來，但好多年冇踩單車，會唔會唔適合參加這個活動？
如果你好多年無踩，或者唔太記得點踩。建議你可以係活動前揾機會去練習下，例如到我地將軍澳租返架單車踩一踩，攞返個手感。幾多年無踩過唔係重點，關鍵係你能夠穩定咁操控單車🙌🏻
我係新手，未黎過你地活動，你地踩得快唔快？速度上會唔會跟唔上？🙈
我地既速度其實係以龜速🐢進行，慢係我地既一大原則😆（係路段許可既情況下）。因為我地主要都係踩單車徑，同埋如果落斜路既話，我地會要求只可剎車，不可加速，一定要好慢咁落。上斜既話我地亦會建議團友落車慢慢推，唔使心急，保留體力~ 當然你踩到既話歡迎隨便🤗
基本上我地都係盡量以最慢，最安全既速度咁去踩既👌🏻
我係新手，未黎過你地活動，自己一個來會唔會好尷尬🫣
我地好歡迎新朋友一起來參加我地既活動，一個人來係好常見的，唔使覺得尷尬😙 一個人就有機會慢慢認識其他團友~ 當然尷尬與否都要睇你自己，如果到時真係揾唔到人傾偈，就跟住團長慢慢踩啦🤣
可以直接租借你地既 tokyobike 來練習嗎?
可以啊，我地係將軍澳有提供 tokyobike 租借服務，踩既單車正正係活動當日會踩既單車。你可以直接熟練一下。如果你報名參加活動，租借單車可獲 8 折優惠👌🏻
（tokyobike 租借網站）
今次呢條路線難唔難？
唔難。將軍澳工業區有一小段馬路，不過區內無車，請謹遵現場工作人員指示便可。
如果當日天氣惡劣/落雨既話如何處理？
如果出發前落大雨，我地會係活動出發前最少 2 小時前通知改期。
如果係驟雨/ 或者出發途中落雨，我地會如常舉行。
如果踩既途中落雨，我地會等停雨再慢慢繼續行程。
值得一提是夏天是雨季，天氣變化較大，除非天文台事先已經預測會整日落雨，否則如果係局部地區性驟雨我地一般會繼續進行，團友報名時請留意。
如果活動改期而你未能出席，你可以選擇退款。
報名後如果想取消怎麼辦，可以退款嗎？
除非因天氣導致活動改期，否則我地所有報名費不會因為私人原因退款。
如果你報名後來不到，你可以找朋友頂替。
如果沒人頂替，你可以保留名額 60日。
活動一定要佩戴頭盔？
現時法例並無規定一定要佩戴頭盔，建議大家為安全著想可以佩戴，我地會為參加者免費提供。
路線描述及安全指引
本次活動大部分路段於單車徑進行，有少量行人路需要推車，落車過紅綠燈。
🎬安全單車短片
以下有兩條運輸處製作有關單車安全的短片，請大家出發務必觀看和了解：
1 騎單車基本技巧（上/ 下午場的團友都要睇）
https://www.youtube.com/watch?v=TjUf843vfJk
2 實戰篇：馬路上（參加下午場的團友必睇）