2024年 春。單身男女

簡介
話說我地既單車週末聚其實已經舉辦左有10年歷史。第一次舉辦係2013年年尾，轉眼間就已經來到2024。呢10年我地舉辦過大大小小至少超過100場既單車活動。一開始我地係純粹諗住搞下活動無咁悶（因為我地自己本身都無乜好做），後來慢慢發現原來呢d 活動可以連結好多人，有d 成為左好朋友，有d 成為情侶，有d甚至成為人生既另一半。

踏入2024年，我地繼續我地一貫鐘意搞野既宗旨😙推出全新既活動系列「單身週末聚」，嘗試係活動入面加入一啲令大家可以互相認識新朋友既元素，希望活動之餘，同時亦製造一個輕鬆愉快而且良好既氣氛，比大家認識不同既人，曠闊大家既社交圈子。

活動氣氛節奏
單車週末聚既氣氛主要係輕鬆悠閒為主。雖然我地會踩住單車，不過速度一般都十分緩慢。速度不是我地既重要，所以基本上適合所有識踩單車既人來參加。

活動途我地會安排休息位比大家休息、影相、互相認識和聊天等。速度和距離並不是我們的重點，最緊要是提供一個機會比大家跟住我地踩單車放鬆一下，亦趁機會可以認識更多新朋友。

對象
我地既活動主要係單車徑上進行，難度不高。如果你本身都係喜歡踩單車或者運動既人，咁就最適合不過了~

我地今次活動主要target 單身男女。我地既氣氛係相對輕鬆悠閒+自然。雖然算係 dating 活動，但我地唔主張太過有目的性。如果能夠結識到心儀既另一班當然是最好，但我地建議大家參加既時候抱著一個「認識多啲朋友」既心態就好了。一來認識一個人需要時間和經歷，二來氣氛都會比較輕鬆。我地覺得好多野抱著輕輕鬆鬆既心態自然就會有最好既結果了。

適合/ 建議你來我地一齊來玩，如果你…
-正單身，咁啱又想認下新朋友 / 唔同既人😉
-鐘意踩單車，或者其他輕運動，例如行山、跑步、瑜伽、健身等🤓
-覺得日常生活總好似缺少啲火花，想找個出口來一點不同
-不是過度怕醜內向，不介意同陌生人交流傾偈的人😚
-怕醜，少說話唔緊要，最緊要係真係有心願意花心機和時間去識人
-長遠擇偶目標，係希望揾到一位伴侶分享人生所有，而非玩票性質的玩伴🤗
-想係一個自然健康既氣氛下認識唔同既人

節目&元素
與傳統 speed dating 或者配對公司唔同，我地希望建立一個好玩、自然、輕鬆既氣氛，比大家邊跟住我地踩單車，邊認識同自己志趣相投既人😚

🚲邊踩單車 + 邊識下人👬🏻
踩單車係一件令人開心愉快既事，沿著將軍澳美麗既海濱同跨彎大橋踩絕對是一個比大家互相認識一下既好機會~ 我地會係踩單車既途中安排機會比大家認識唔同既人。
詳細安排到時會揭曉，先同大家賣個關子🤭

🏓小遊戲、小競技
大家都是初次見面，破冰熱身當然唔少得。既然搞得聯誼活動，節目當然唔可以悶。我地係旅程途中會加入小遊戲，比大家邊玩邊同其他團友熱熱身，炒熱一下氣氛🤭 

🍹傾下偈、交流下、吹吹水
識新朋友，聊天吹水既基本動作當然少不免~ 我地會有一個聊天環節，同大家一齊吹下分享各自既人生觀，愛情觀等等。目的係比大家可以深入一點去認識身邊不同既人。

📸攝影寫真
除了單車之外，影相都係我地既嗜好之一，每次活動團長都十分樂意為大家拍照記錄每個 moments。大家可以擺出平日自然既一面，亦可以 chok 出你平時少見既一面😎

about「單身週末聚」
雖然是舉辦交友聯誼活動，但我地亦有屬於我們的態度和背後理念。
整個活動的氣氛和節目都是按著以下宗旨去設計和進行。

🚲健康既場合，識最健康既人
單車係最健康既活動之一
相比起係手機中透過程式冷冰冰的去認識一個人，然後聊到半路對方突然不知所蹤，又或者見面後才發現對方不適合。我地深信「來一場戶外輕運動，大家踩踩單車見到真人」絕對會帶來更真實、更有質感、更令人印象深刻既相識。

🍱聊天傾偈，係認識一個人的指定熱身
想想看，人生中所有最有價值的關係都係需要透過大量既互相了解和認識，才能走得深入和長遠。我地希望製造一個好既開場，等大家可以係初次見面時能夠趁有機會好好聊天，了解彼此的一些基本價值觀🤓

🍱出黎玩開心第一，開心自然就識到人🤪
我地主張識朋友要些耐性，慢慢了解對方，不要用太過可以著急。但我們亦不是悶蛋，出來玩最緊要就係開心🤪 活動中的節目我地會安排一些小遊戲/小競技，有些可能會有某程度既身體接觸。如果介意既可能要有心理準備~
出來活動玩得開心最緊要，識到人係緣分😎

🍱 喜歡輕運動，鐘意大自然
我地本身就是喜歡戶外活動的人，因此我地非常享受同大家出去玩😎。可能由於工作都是長時間待在室內既關係，我地非常享受每次外出既時刻。
我地舉辦既活動唔會太激烈，主要都是入門BB級別🤭單車不用說當然是我地最喜歡的節目之一。如果你都鐘意戶外活動就一齊來玩吧~

期待之後同大家 explore更多唔同既戶外節目😚

🌿以價值觀、個人經歷來找適合的人
這世上每個人都有自己一套對世間萬物的看法，亦有自己獨特的人生經歷，這些都是每個人真真正正獨一無二，而且有著決定性影響的元素。
根據觀察，我地建議大家最好不以財富、收入、家境去衡量任何一個人。條件理想的對象並不代表是最好既決定；找適合自己的人往往是更明智既選擇。

📸無前設，不刻意
雖然我地活動既對象係單身人士，不過我地既風格係以自然隨心為主。
大家無需過分刻意，或者帶著強烈既目的性來。根據我地觀察，基本上只要自然做返自己就十分足夠~
你不一定會來一次就找到你既伴侶，但絕對可以認識到有意思既新朋友。
說不定你的真命天子/女其實是對方的朋友或親人？

抱著純粹既心態來認識不同的朋友吧😉
無論遇到什麼樣的人都總會有所得著~

🦋絕對沒有 90% 成功配對率
不限坊間眾多公司標榜有90% 參加者成功配對，或者個個都「一個來，兩個一齊走」，我地並不相信短短幾個鐘既聚會就會令兩個第一次見唔相識既人咁快一齊，就算去夜場都未見過。

我地既宗旨，係希望提供一個高質而健康既氛圍比大家去認識&接觸更多唔同既人。大家如果對任何人有興趣，請自己再慢慢保持聯絡、慢慢繼續了解。而識人呢樣野我地認為係需要長時間既溝通同耐心。

我地既保證，係如果你抱著健康自然既心態來參加，你就會有 90%機會認識到值得認識既朋友。來參加我地既活動，你應該抱著係一個體驗既心態，其他一切意外的都是絕對的幸運。

🍱 不崇尚奢華，一切盡量簡簡單單
或者你認識一個人，可能第一次就和對方一起去高級餐廳或者很fancy 的場合。
我地認為這是不必要而且意義不大的。我地認為最有意義既關係都係建立係最平凡既日常相處中。因為我地都是普通的平凡人。當然我們最喜歡最推薦的就是踩單車了。
我地既活動不會讓你感覺瑰麗堂皇，但絕對事用心經營絕不馬虎。
我地喜歡樸素、實際而帶有溫度既人同事。