序
九龍喺香港最核心既地帶之一
呢度既社區同街道有繁忙的、亦有旺中帶靜的
同香港島既線性形態唔同
地型來講呢度算係一個相對網狀既結構
若果以踩單車去探索嘅話
可以捐窿捐罅
隨意探索唔同街道
今次我地會同大家由長沙灣邊踩住單車
邊食下野
邊打卡影相
邊聽下故仔
邊吹下海風
慢慢碌到去到觀塘
途徑地方
🟠嘉頓山
被譽為港版既「百萬夜景」之一，大半個九龍半島盡收眼底
🟠南山村
白汁冰，雞蛋仔，定係去彩虹樓梯打卡？why not all?
🟠九龍塘
因當年皇太子既一句話，種下今日充滿英國風情既種子
🟠九龍城
未有機會同大家一齊去泰國踩單車，就一齊踩去「小泰國」晚餐吧
🟠九龍灣
寧靜既工業區，識踩一定揀夜晚
「日落嘉頓山」改良&加長版
五月既時候我地舉辦左「日落嘉頓山」
不過天氣弄人，最後有2場活動都需要取消改期
過往我地一直以「嘉頓山」作為此路線嘅賣點
再加上因為喺南山邨晚餐 + 甜品 + 影相
故此常常搞到頭重尾輕
後半段匆匆忙忙走馬看花
但其實整條路線都幾好踩同好玩
有好多其他值得探索嘅地方
因為值得推薦而且不想浪費
故此團長決定重新編排「日落嘉頓山」既路線同行程
提早出發時間、晚飯改於九龍城進行
並且加入少少講解介紹
希望大家體驗唔同啲、豐富啲
想參加既朋友請留意
此活動路線上與6月7日「日落嘉頓山」頗為相似
但行程和內容上編排會略有所不同
欲查詢更多詳情
歡迎隨時wts 團長查詢
行程
今次活動我哋依舊喺長沙灣集合出發, 不過會提早上嘉頓山, 預計喺天黑之前到達南山邨,
我哋會先喺度食少少地道美食,呢度好出名嘅南山白汁冰,同埋雞蛋仔。
同一時間我哋都會喺南山邨幫大家打卡影相。
之後我哋會經過幽靜嘅九龍塘, 再到九龍城食晚餐。
晚餐之後我哋會經九龍灣、觀塘海濱再踩返觀塘。
1600 集合 @ 長沙灣🙋🏻♀️
1630 出發🚴🏻♂️🚴🏻♀️
1700 -1730 嘉頓山 🍞⛰️
1800 南山村小吃 🍗 + 打卡
1900 漫遊九龍塘
1945 晚餐 @ 九龍城🌌
2045 九龍灣 & 觀塘海濱🎑
2200 終點 觀塘 🏁
（行程只供參考，或會因天氣或現場實際情況有所更改，以活動當日為準）
沿途景色🏞️
活動主旨
BTM 於 2012 年成立，搞過大大小小超過 100 場單車活動。
同其他單車組織/團體唔同，我地旨在推廣一種「城市單車生活文化」，希望同大家以最悠閒最文青既節奏一齊去發掘單車既另一面。
我地除咗去郊區單車徑，一大特色係會同大家係市區穿梭遊走。希望比大家感受 urban cycling 既樂趣同氣氛。
活動氣氛&特色
日本 tokyobike
所有單車均為日本 @tokyobike.hk，又靚又好踩，改變你對單車既睇法！
輕鬆悠閒踩
踩單車唔一定要比賽競速鬥快，讓我地一齊輕輕鬆鬆，放空一個週末！
攝影打卡，記錄香港景點
踩單車打卡影靚相是常識吧，等我地帶大家一齊去不同景點，做大家半日既攝影師！
認識不同朋友
透過踩單車，大家可以認識有共同興趣既朋友，打開生活既不同可能！
活動詳情
| 日子&時間 |
2025年 -8月31日(週日) -9月20日(週六) 4pm - 10pm |
| 路線&行程 | 見上 |
| 氣氛 車速 |
輕輕鬆鬆悠悠閑、識朋友、吹下、打卡為主 視乎情況，不過一般都非常慢，大概10﹣15 km |
| dress code |
-日常生活服/出街衫/舒適合適的運動服 -本次路線大部分主要於單車徑進行，但仍有一小部分需要經過馬路。建議參加者如有需要請佩戴頭盔（我們均有免費提供） |
| 費用(每位) | 💰費用 (已包括每人一部🚲 @tokyobike.hk 及🪖頭盔) 每人 $289 4-8月來過 $269 2 人同行 每人$269 3人同行或以上 每人$259 25 歲以下學生 $259 來過三次 $249 來過十次 $229 💰自備單車 tokyobike車主：$119 其他車種：$169 可額外購買保險，約$20 |
| 名額 | 預計16-20人 (10人成團) |
| 報名時間 活動 Briefing |
即日開始，額滿即止 活動 2日前會 send去 大家既whatsapp |
| 路段比例（只供大約參考） |
馬路 85% 單車徑 0% 步行&其他 15% |
| 如何報名： |
1. 填妥 google form 報名表 2 如需租借單車，請付款及將截圖 whatsapp到 9781 1769。 **同埋記得幫我地 share 個 post 比身邊朋友 ;p |
| 天氣安排 | 若果天氣惡劣，我們將會於活動前2小時通知大家最新安排，並於大家保持緊密聯繫。 |
常見問題 FAQs
今次路線難唔難踩？
一開始嘅路段會比較多車少少
不過主要都係集中喺幾條街
中途需要登上嘉頓山
需要步行大約15至20分鐘左右
南山邨食完飯之後就會經九龍塘
呢一段都唔係太多車
之後就會經過九龍城
仲有九龍灣就返到去終點
夜晚係會有車，但係唔會太多
同埋我哋都係慢慢踩
如果係單車新手可唔可以參加？
可以，最緊要係你可以穩定咁操控單車。
我有興趣想來，但好多年冇踩單車，會唔會唔適合參加這個活動？
如果你好多年無踩，或者唔太記得點踩。建議你可以係活動前揾機會去練習下，例如到我地將軍澳租返架單車踩一踩，攞返個手感。幾多年無踩過唔係重點，關鍵係你能夠穩定咁操控單車🙌🏻
自己一個來會唔會好尷尬？🫣
我地好歡迎新朋友一起來參加我地既活動，一個人來係好常見的，唔使覺得尷尬😙 一個人就有機會慢慢認識其他團友~ 當然尷尬與否都要睇你自己，如果到時真係揾唔到人傾偈，就跟住團長慢慢踩啦🤣
係咪一定要佩戴頭盔？
現時法例並無規定一定要佩戴頭盔，建議大家為安全著想可以佩戴，我地會為參加者免費提供。
你地踩得快唔快？我平時唔多踩單車，速度會唔會跟唔上？🙈
我地既速度其實係以龜速🐢進行，慢係我地既一大原則😆（係路段許可既情況下）。因為我地主要都係踩單車徑，同埋如果落斜路既話，我地會要求只可剎車，不可加速，一定要好慢咁落。上斜既話我地亦會建議團友落車慢慢推，唔使心急，保留體力~ 當然你踩到既話歡迎隨便🤗
基本上我地都係盡量以最慢，最安全既速度咁去踩既👌🏻
可以租借你地既 tokyobike 來練習嗎?
可以啊，我地係將軍澳有提供 tokyobike 租借服務，踩既單車正正係活動當日會踩既單車。你可以直接熟練一下。如果你報名參加活動，租借單車可獲 8 折優惠👌🏻
（tokyobike 租借網站）
活動影左既相我地可以要返嗎？
當然可以！活動之後我地會 send 返相比大家！
如果當日天氣惡劣/落雨既話如何處理？
如果出發前整理keep 住全日都落雨，或者天文台預測天氣將會非常差，我地會係活動出發前最少 2 小時前通知改期。
如果係驟雨/ 或者出發途中落雨，我地會如常舉行。
如果踩既途中落雨，我地會等停雨再慢慢繼續行程。
5-11月是香港雨季風季，天氣變化可能較大，除非天文台事先已經預測會整日落雨，否則如果係局部地區性驟雨我地一般會繼續進行😉，團友報名時請留意。
如果天文台預測某些日子真係打得成風，我哋視乎情況盡早安排！
如果活動改期而你未能出席，你可以選擇保留名、參加其他場次或者退款。
報名後如果想取消怎麼辦，可以退款嗎？
除非因天氣導致活動改期，否則我地所有報名費不會因為私人原因退款。
如果你報名後來不到，你可以找朋友頂替。
如果沒人頂替，你可以保留名額 60日。