序
話說我哋嘅賣點其中之一就係復古單車
咁多年來，我哋搞過無數活動
不過就好似從來未試過搞一個「復古」主題嘅活動。
好多年前嘅年初三我哋會搞單車市集
同大家熱熱鬧鬧咁踩住單車過年🧧
踏入新嘅一年，我地今年既願望
係希望用盡每一個機會，每一個節日同大家踩住單車咁慶祝。
仲有兩個禮拜多啲就過年
雖然時間上好似有少少趕
但趁住今年年初三
想不如就同大家嚟一個懷舊服裝單車派對吧🥳
About 懷舊服裝單車派對
喺單車界其實一直都有呢一種類型嘅服裝派對
最出名同最大型嘅係英國嘅 Tweed Run
佢哋會大家着住粗花呢絨既服飾咁樣踩
而近我哋嘅例如日本、上海、台灣亦有類似嘅活動。
大約10年前香港亦都曾經有類似嘅活動。
活動既重點好簡單，就係dress code要係「懷舊服飾，復古打扮」。
無論係 7-80年代港式、英倫風式、抑或係上海灘式都可以
大家可以自由選擇！
希望每年搵個機會同大家一齊玩Cosplay🤓
行程🏞️
今次我哋將會第一次試吓，同一個主題，喺兩個唔同嘅日子，踩兩條完全唔同嘅路線
1月31日 年初三
呢條係屬於市區路線，適合已經有一定單車經驗嘅朋友參加。
由於會喺城市入面穿梭，感覺上呢條路線比較fancy 啲，終點會去從未去過嘅西九海濱。
起點會位於我地鋪頭，第一站先去觀塘海濱，然後經過九龍灣，土瓜灣，來到紅磡碼頭。之後我地會需要步行一段路程，經過尖東海旁、星光大道、文化中心、鐘樓等。呢段同時亦比大家作影相打卡之用。最後我地會經海港城、戲曲中心等來到西九海濱。
0930 集合 @ 觀塘髦民士多🚲🚲
1000 觀塘海濱🐲
1100 九龍灣🌊
1130 lunch土瓜灣🚃
1230 尖東海旁🌿
1300 文化中心🏫
1330-1400 西九海濱長廊🏁
（行程只供參考，或會因天氣或現場實際情況有所更改，以活動當日為準）
2月15日 星期六
呢條係屬於郊區單車徑路線，適合所有識踩單車既朋友參加。大家可以舒舒服服慢慢咁踩，對技術要求低啲。氣氛亦會市區路線較為輕鬆。
起點會位於兆康西鐵站，首先我地會踩去藍地水塘、然後經藍地大街再慢慢踩去朗屏，補給之後就會踩入南生圍，大家在這裡打卡休息，之後便會乘坐街渡（自費）、返回朗屏西鐵站。
1330 集合 @ 屯門🚲🚲
1400 兆康
1430 藍地水塘 🌊
1500 下午茶@ 藍地大街🌊
1600 元朗🚃
1700 南生圍🌅🌿
1800 朗屏🏁
（行程只供參考，或會因天氣或現場實際情況有所更改，以活動當日為準）
沿途景色🏞️
1.31 日
觀塘 > 西九海濱
2.15 日
屯門 > 南生圍
活動主旨
BTM 於 2012 年成立，搞過大大小小超過 100 場單車活動。
同其他單車組織/團體唔同，我地旨在推廣一種「城市單車生活文化」，希望同大家以最悠閒最文青既節奏一齊去發掘單車既另一面。
我地除咗去郊區單車徑，一大特色係會同大家係市區穿梭遊走。希望比大家感受 urban cycling 既樂趣同氣氛。
活動氣氛&特色
日本 tokyobike
所有單車均為日本 @tokyobike.hk，又靚又好踩，改變你對單車既睇法！
輕鬆悠閒踩
踩單車唔一定要比賽競速鬥快，讓我地一齊輕輕鬆鬆，放空一個週末！
攝影打卡，記錄香港景點
踩單車打卡影靚相是常識吧，等我地帶大家一齊去不同景點，做大家半日既攝影師！
認識不同朋友
透過踩單車，大家可以認識有共同興趣既朋友，打開生活既不同可能！
活動詳情
| 日子&時間 |
2025年 -1月31日(年初三，週五) 9:30am - 2pm -2月15日(六) 1:30pm - 6pm |
| 路線&行程 | 見上 |
| 氣氛 車速 |
輕輕鬆鬆悠悠閑、識朋友、吹下、打卡為主 視乎情況，不過一般都非常慢，大概10﹣15 km |
| dress code |
-懷舊服飾、復古打扮 -1月31日場由於馬路進行，所有參加者必須佩戴頭盔（所有租借單車的客人如果沒有可以向我們借用） |
| 費用 | 💰費用 (已包括每人一部🚲 @tokyobike.hk 及🪖頭盔) 每人 $269 9-1月來過 $249 2 人同行 $249 25 歲以下學生 $239 來過三次 $229 來過十次 $219 . 💰自備單車 tokyobike車主：$99 其他車種：$149 |
| 名額 | 預計16-20人 (10人成團) |
| 報名時間 活動 Briefing |
即日開始，額滿即止 活動 2日前會 send去 大家既whatsapp |
| 路段比例（只供大約參考） |
1月31日 馬路 70% 步行 15% 單車徑 10% 其他 5% 2月15日 單車徑 60% 馬路 20% 步行 10% 其他 10% |
| 如何報名： |
1. 填妥 google form 報名表 2 如需租借單車，請付款及將截圖 whatsapp到 9781 1679。 **同埋記得幫我地 share 個 post 比身邊朋友 ;p |
| 天氣安排 | 若果天氣惡劣，我們將會於活動前2小時通知大家最新安排，並於大家保持緊密聯繫。 |
常見問題 FAQs
今次路線難唔難踩？
1.31 市區個場係馬路，難度會高少少。適合有一定程度及單車經驗既參加者。
2.15 南生圍個場適合所有識得踩單車既人參與。
如果係單車新手可唔可以參加？
可以，最緊要係你可以穩定咁操控單車。
我有興趣想來，但好多年冇踩單車，會唔會唔適合參加這個活動？
如果你好多年無踩，或者唔太記得點踩。建議你可以係活動前揾機會去練習下，例如到我地將軍澳租返架單車踩一踩，攞返個手感。幾多年無踩過唔係重點，關鍵係你能夠穩定咁操控單車🙌🏻
自己一個來會唔會好尷尬？🫣
我地好歡迎新朋友一起來參加我地既活動，一個人來係好常見的，唔使覺得尷尬😙 一個人就有機會慢慢認識其他團友~ 當然尷尬與否都要睇你自己，如果到時真係揾唔到人傾偈，就跟住團長慢慢踩啦🤣
係咪一定要佩戴頭盔？
現時法例並無規定一定要佩戴頭盔，建議大家為安全著想可以佩戴，我地會為參加者免費提供。
你地踩得快唔快？我平時唔多踩單車，速度會唔會跟唔上？🙈
我地既速度其實係以龜速🐢進行，慢係我地既一大原則😆（係路段許可既情況下）。因為我地主要都係踩單車徑，同埋如果落斜路既話，我地會要求只可剎車，不可加速，一定要好慢咁落。上斜既話我地亦會建議團友落車慢慢推，唔使心急，保留體力~ 當然你踩到既話歡迎隨便🤗
基本上我地都係盡量以最慢，最安全既速度咁去踩既👌🏻
可以租借你地既 tokyobike 來練習嗎?
可以啊，我地係將軍澳有提供 tokyobike 租借服務，踩既單車正正係活動當日會踩既單車。你可以直接熟練一下。如果你報名參加活動，租借單車可獲 8 折優惠👌🏻
（tokyobike 租借網站）
活動影左既相我地可以要返嗎？
當然可以！活動之後我地會 send 返相比大家！
如果當日天氣惡劣/落雨既話如何處理？
如果出發前落大雨，我地會係活動出發前最少 2 小時前通知改期。
如果係驟雨/ 或者出發途中落雨，我地會如常舉行。
如果踩既途中落雨，我地會等停雨再慢慢繼續行程。
值得一提是夏天是雨季，天氣變化較大，除非天文台事先已經預測會整日落雨，否則如果係局部地區性驟雨我地一般會繼續進行，團友報名時請留意。
如果活動改期而你未能出席，你可以選擇退款。
報名後如果想取消怎麼辦，可以退款嗎？
除非因天氣導致活動改期，否則我地所有報名費不會因為私人原因退款。
如果你報名後來不到，你可以找朋友頂替。
我們亦會嘗試找其他參加者後補，如果有人頂替，方可為你退款。
否則，恕未能為你退款。