序
中秋剛剛先過，最刺激好玩嘅萬聖節又到！
上年我哋喺將軍澳辦咗第一次「南瓜之夜」🎃
今年我地有幸來到西九文化區
有個咁好既地方，梗要趁機會同大家玩返夠本
順便帶大家探下我哋嘅新據點。
今次活動我地繼續希望可以養成萬聖節傳統
同大家一齊扮鬼扮馬咁踩住單車玩返晚！ 👻🚴♂️
因為真係好想慢慢咁變成每年既一件盛事 🌟
團長會繼承每次活動既傳統，同大家影爆靚相！ 📸
今次順便想試埋同大家係草地來個維多利亞港燭光野餐🕯️
另外仲有造型大賽，打扮得最出色既
團長會送出特別禮物
一切純屬試驗性質
期待到時同大家Happy 返一晚🤪
活動景點
-
M+ 外牆 & Harbour Steps：巨型 LED 外牆配維港梯級看台，日夜都係最具氣勢的海景打卡位。
-
M+ 天台花園：開揚草地＋高角度望向港島天際線，黃昏金光一流。
-
香港故宮文化博物館外圍：現代建築線條襯住無遮擋海景，夜晚燈光與倒影最出片。
-
自由空間 Freespace 草坪：大片綠地做團體照／活動合照，背景乾淨效果靚。
-
藝術公園海濱長廊：筆直長廊連綿草地，S 型透視構圖輕鬆拍到動感騎行感。
-
苗圃公園樹陣大道：整齊樹列形成天然光影隧道，人車同框極有層次。
-
海旁觀景平台／欄杆位：貼水位的 180° 維港視野，單車做前景一放就型。
行程
集合點喺我地最新既 tokyobike西九租借店 ，我地會先幫大家揀車、調校座位同簡短安全講解；搞掂之後就正式出發。
我哋會沿住西九文化區唔同路段慢踩影相，先去到大草地揀個舒適位 野餐／小歇（歡迎自備食物同飲品）。休息過後繼續「尋幽探秘」，踩住單車喺園區入面 捐窿捐罅 發掘打卡位（例如 M+ 外牆 & Harbour Steps、藝術公園長廊、海旁觀景平台等）。
當晚會有「造型大賽」：著得最出色／最有創意嘅參加者可獲 神秘獎品；最後以大合照作結，再慢踩返租借點解散。
節奏以 輕鬆體驗／影相為主，員工全程帶隊；人流多嘅位置會落車推行。
19:00 集合
19:05 揀車 & 調校（座高、頭盔）＋ 安全講解
19:20 熱身慢踩：園區內環線試騎、熟習車感
19:35 西九草地：晚餐
20:05藝術公園海濱長廊 （邊踩邊影）
20:50造型大賽 評選＋頒發 神秘獎品 ＆ 團體大合照
21:10尋幽探秘自由段：跟隊慢踩發掘小景（人多位落車）
21:25緩踩回程
21:35回到租借點｜交還單車｜解散
活動參考照片🏞️
活動主旨
BTM 於 2012 年成立，搞過大大小小超過 100 場單車活動。
同其他單車組織/團體唔同，我地旨在推廣一種「城市單車生活文化」，希望同大家以最悠閒最文青既節奏一齊去發掘單車既另一面。
我地除咗去郊區單車徑，一大特色係會同大家係市區穿梭遊走。希望比大家感受 urban cycling 既樂趣同氣氛。
活動氣氛&特色
日本 tokyobike
所有單車均為日本 @tokyobike.hk，又靚又好踩，改變你對單車既睇法！
輕鬆悠閒踩
踩單車唔一定要比賽競速鬥快，讓我地一齊輕輕鬆鬆，放空一個週末！
攝影打卡，記錄香港景點
踩單車打卡影靚相是常識吧，等我地帶大家一齊去不同景點，做大家半日既攝影師！
認識不同朋友
透過踩單車，大家可以認識有共同興趣既朋友，打開生活既不同可能！
活動詳情
| 日子&時間 |
2025年 -10月25日(週六) -10月31日(週五) -10月31日(週六) 7pm-9:30pm |
| 路線&行程 | 見上 |
| 氣氛 車速 |
輕輕鬆鬆悠悠閑、識朋友、吹下、打卡為主 視乎情況，不過一般都非常慢，大概10﹣15 km |
| dress code |
-日常生活服/出街衫/舒適合適的運動服 -本次路線大部分主要於單車徑進行，但仍有一小部分需要經過馬路。建議參加者如有需要請佩戴頭盔（我們均有免費提供） |
| 費用(每位) | 💰費用 (已包括每人一部🚲 @tokyobike.hk 及🪖頭盔) 租借2小時單車，即可參加: 以下為2小時費用👇🏻 小童車（每部$50） 中童車（每部$60） 成人-單速（每部$90） 成人-變速（每部$100） 三輪寵物車（每部$160） 💰自備單車 半價 可額外購買保險，約$20 |
| 名額 | 視乎情況：約16-20人 |
| 報名時間 活動 Briefing |
即日開始，額滿即止 活動 2日前會 send去 大家既whatsapp |
| 路段比例（只供大約參考） |
100% 西九文化區內 全程為可騎單車路段 |
| 如何報名： |
1. 填妥 google form 報名表 2 如需租借單車，請付款及將截圖 whatsapp到 9781 1769。 **同埋記得幫我地 share 個 post 比身邊朋友 ;p |
| 天氣安排 | 若果天氣惡劣，我們將會於活動前2小時通知大家最新安排，並於大家保持緊密聯繫。 |
常見問題 FAQs
今次路線難唔難踩？
非常容易， 非常簡單
今次主要喺西九文化區入面舉行
入面嘅路段都係十分之容易，没有什麼難度
如果係單車新手可唔可以參加？
可以，最緊要係你可以穩定咁操控單車。
我有興趣想來，但好多年冇踩單車，會唔會唔適合參加這個活動？
如果你好多年無踩，或者唔太記得點踩。建議你可以係活動前揾機會去練習下，例如到我地將軍澳租返架單車踩一踩，攞返個手感。幾多年無踩過唔係重點，關鍵係你能夠穩定咁操控單車🙌🏻
自己一個來會唔會好尷尬？🫣
我地好歡迎新朋友一起來參加我地既活動，一個人來係好常見的，唔使覺得尷尬😙 一個人就有機會慢慢認識其他團友~ 當然尷尬與否都要睇你自己，如果到時真係揾唔到人傾偈，就跟住團長慢慢踩啦🤣
係咪一定要佩戴頭盔？
現時法例並無規定一定要佩戴頭盔，建議大家為安全著想可以佩戴，我地會為參加者免費提供。
你地踩得快唔快？我平時唔多踩單車，速度會唔會跟唔上？🙈
我地既速度其實係以龜速🐢進行，慢係我地既一大原則😆（係路段許可既情況下）。因為我地主要都係踩單車徑，同埋如果落斜路既話，我地會要求只可剎車，不可加速，一定要好慢咁落。上斜既話我地亦會建議團友落車慢慢推，唔使心急，保留體力~ 當然你踩到既話歡迎隨便🤗
基本上我地都係盡量以最慢，最安全既速度咁去踩既👌🏻
可以租借你地既 tokyobike 來練習嗎?
可以啊，我地係將軍澳有提供 tokyobike 租借服務，踩既單車正正係活動當日會踩既單車。你可以直接熟練一下。如果你報名參加活動，租借單車可獲 8 折優惠👌🏻
（tokyobike 租借網站）
活動影左既相我地可以要返嗎？
當然可以！活動之後我地會 send 返相比大家！
如果當日天氣惡劣/落雨既話如何處理？
如果出發前整理keep 住全日都落雨，或者天文台預測天氣將會非常差，我地會係活動出發前最少 2 小時前通知改期。
如果係驟雨/ 或者出發途中落雨，我地會如常舉行。
如果踩既途中落雨，我地會等停雨再慢慢繼續行程。
5-11月是香港雨季風季，天氣變化可能較大，除非天文台事先已經預測會整日落雨，否則如果係局部地區性驟雨我地一般會繼續進行😉，團友報名時請留意。
如果天文台預測某些日子真係打得成風，我哋視乎情況盡早安排！
如果活動改期而你未能出席，你可以選擇保留名、參加其他場次或者退款。
報名後如果想取消怎麼辦，可以退款嗎？
除非因天氣導致活動改期，否則我地所有報名費不會因為私人原因退款。
如果你報名後來不到，你可以找朋友頂替。
如果沒人頂替，你可以保留名額 60日。