序
大家有冇睇過之前團長mm嘅訪問？
入面有一條好靚嘅路線，
其實就係我哋當年發掘幾多條路線
亦係團長最鍾意嘅路線之一
呢條路線大家平時踩單車一定唔會去到
不過如果同我哋成大班人踩就好好玩
我哋會經過好多隱世嘅景點
有好多好靚靚嘅打卡位
令你好似置身喺異地旅行咁樣
對上一次去已經係四年前
實在好掛住呢個地方
今次我哋就試吓同大家喺冬天踩去
行程
呢條路線可以話係集美景及娛樂於一身，好舒服好好踩，但由於無一條明確既路線，外界好少人識得踩。
我地既起點位於粉嶺聯和墟，建議大家出發前可以先預留時間係度食 lunch（都多野食），之後會踩入龍躍頭文物經，沿著梧桐河來到大水管。經過羅太豆腐花，會穿過樹林間的羊腸小徑，經過草原來到高潮位馬草壟既小山丘，日落之後返回上水解散。
1400 集合 @ 粉嶺聯和墟🚲🚲
1430 龍躍頭文物經 🐲
1500 梧桐河🌊
1600 大水管🚃
1645 邊境之草原🌿
1730 日落@小山丘 🌅
1900 上水🏁
（行程只供參考，或會因天氣或現場實際情況有所更改，以活動當日為準）
沿途景色🏞️
活動主旨
BTM 於 2012 年成立，搞過大大小小超過 100 場單車活動。
同其他單車組織/團體唔同，我地旨在推廣一種「城市單車生活文化」，希望同大家以最悠閒最文青既節奏一齊去發掘單車既另一面。
我地除咗去郊區單車徑，一大特色係會同大家係市區穿梭遊走。希望比大家感受 urban cycling 既樂趣同氣氛。
活動氣氛&特色
日本 tokyobike
所有單車均為日本 @tokyobike.hk，又靚又好踩，改變你對單車既睇法！
輕鬆悠閒踩
踩單車唔一定要比賽競速鬥快，讓我地一齊輕輕鬆鬆，放空一個週末！
攝影打卡，記錄香港景點
踩單車打卡影靚相是常識吧，等我地帶大家一齊去不同景點，做大家半日既攝影師！
認識不同朋友
透過踩單車，大家可以認識有共同興趣既朋友，打開生活既不同可能！
活動詳情
| 日子&時間 活動時間 |
2025年 -1月25(六) -2月22日(六) 2pm - 7pm |
| 路線&行程 | 見上 |
| 氣氛 車速 |
輕輕鬆鬆悠悠閑、識朋友、吹下、打卡為主 視乎情況，不過一般都非常慢，大概10﹣15 km |
| dress code |
-日常生活服/出街衫/舒適合適的運動服 -所有參加者必須佩戴頭盔（所有租借單車的客人如果沒有可以向我們借用） -比賽或競技服裝不適用，因為我們所有活動旨在推廣一種生活化的更普羅的城市單車生活模式 🙂 |
| 費用 | 💰費用 (已包括每人一部🚲 @tokyobike.hk 及🪖頭盔) 每人 $269 8-12 月來過 $249 2 人同行 $249 25 歲以下學生 $239 來過三次 $229 來過十次 $219 . 💰自備單車 tokyobike車主：$99 其他車種：$149 |
| 名額 | 預計16-20人 (10人成團) |
| 報名時間 活動 Briefing |
即日開始，額滿即止 活動 2日前會 send去 大家既whatsapp |
| 路段比例（只供大約參考） |
馬路 50% 其他 50% |
| 如何報名： |
1. 填妥 google form 報名表 2 如需租借單車，請付款及將截圖 whatsapp到 9781 1679。 **同埋記得幫我地 share 個 post 比身邊朋友 ;p |
| 天氣安排 | 若果天氣惡劣，我們將會於活動前2小時通知大家最新安排，並於大家保持緊密聯繫。 |
常見問題 FAQs
今次路線難唔難踩？
唔難，但又好好玩，適合所有人識得踩單車既人參加
難度指數屬於中低
如果係單車新手可唔可以參加？
可以，最緊要係你可以穩定咁操控單車。
我有興趣想來，但好多年冇踩單車，會唔會唔適合參加這個活動？
如果你好多年無踩，或者唔太記得點踩。建議你可以係活動前揾機會去練習下，例如到我地將軍澳租返架單車踩一踩，攞返個手感。幾多年無踩過唔係重點，關鍵係你能夠穩定咁操控單車🙌🏻
自己一個來會唔會好尷尬？🫣
我地好歡迎新朋友一起來參加我地既活動，一個人來係好常見的，唔使覺得尷尬😙 一個人就有機會慢慢認識其他團友~ 當然尷尬與否都要睇你自己，如果到時真係揾唔到人傾偈，就跟住團長慢慢踩啦🤣
係咪一定要佩戴頭盔？
現時法例並無規定一定要佩戴頭盔，建議大家為安全著想可以佩戴，我地會為參加者免費提供。
你地踩得快唔快？我平時唔多踩單車，速度會唔會跟唔上？🙈
我地既速度其實係以龜速🐢進行，慢係我地既一大原則😆（係路段許可既情況下）。因為我地主要都係踩單車徑，同埋如果落斜路既話，我地會要求只可剎車，不可加速，一定要好慢咁落。上斜既話我地亦會建議團友落車慢慢推，唔使心急，保留體力~ 當然你踩到既話歡迎隨便🤗
基本上我地都係盡量以最慢，最安全既速度咁去踩既👌🏻
可以租借你地既 tokyobike 來練習嗎?
可以啊，我地係將軍澳有提供 tokyobike 租借服務，踩既單車正正係活動當日會踩既單車。你可以直接熟練一下。如果你報名參加活動，租借單車可獲 8 折優惠👌🏻
（tokyobike 租借網站）
活動影左既相我地可以要返嗎？
當然可以！活動之後我地會 send 返相比大家！
如果當日天氣惡劣/落雨既話如何處理？
如果出發前落大雨，我地會係活動出發前最少 2 小時前通知改期。
如果係驟雨/ 或者出發途中落雨，我地會如常舉行。
如果踩既途中落雨，我地會等停雨再慢慢繼續行程。
值得一提是夏天是雨季，天氣變化較大，除非天文台事先已經預測會整日落雨，否則如果係局部地區性驟雨我地一般會繼續進行，團友報名時請留意。
如果活動改期而你未能出席，你可以選擇退款。
報名後如果想取消怎麼辦，可以退款嗎？
除非因天氣導致活動改期，否則我地所有報名費不會因為私人原因退款。
如果你報名後來不到，你可以找朋友頂替。
如果沒人頂替，你可以保留名額 60日。