序
慢慢踏入夏季
我哋嘅活動亦都會由日頭慢慢變做夜晚
作為迎接初夏既一個重要儀式
同埋作為夏夜第二部曲（今年既首部係 日落嘉頓山）
今次會同大家踩去我地係年頭發掘到既小美景
由烏溪沙延伸可以直接踩入去既十四鄉井頭村
個度風景優美寧靜
好天既時候可以飽覽附近既山明水秀
幫我地洗滌一下心靈和思緒
夏天嘅日照時間較長
去完井頭村我地會慢慢由西沙沿着城門河
係日落既天色之下
踩返出去沙田圍既冬菇亭一齊晚飯
然後再去大圍作結
行程
今次路線我哋會喺烏溪沙集合出發，第一站會先經過有【生態寶庫】之稱既泥涌，再前往位於西沙十四鄉之一井頭村。去完井頭村之後，我哋會喺日落時間，經過馬鞍山到達孖橋，再沿城門河經碧濤花園踩去沙角邨食晚飯。飯後再夜遊一小段踩去大圍，完成今日嘅旅程。
1630 集合 @ 烏溪沙🙋🏻♀️
1700 出發🚴🏻♂️🚴🏻♀️
1715 泥涌 🦀
1800 井頭村⛵️
1845 馬鞍山🌅
1930 孖橋🌉
2015 – 2100 沙角村晚餐🎑
2130 終點 大圍 🏁
（行程只供參考，或會因天氣或現場實際情況有所更改，以活動當日為準）
沿途景色🏞️
活動主旨
BTM 於 2012 年成立，搞過大大小小超過 100 場單車活動。
同其他單車組織/團體唔同，我地旨在推廣一種「城市單車生活文化」，希望同大家以最悠閒最文青既節奏一齊去發掘單車既另一面。
我地除咗去郊區單車徑，一大特色係會同大家係市區穿梭遊走。希望比大家感受 urban cycling 既樂趣同氣氛。
活動氣氛&特色
日本 tokyobike
所有單車均為日本 @tokyobike.hk，又靚又好踩，改變你對單車既睇法！
輕鬆悠閒踩
踩單車唔一定要比賽競速鬥快，讓我地一齊輕輕鬆鬆，放空一個週末！
攝影打卡，記錄香港景點
踩單車打卡影靚相是常識吧，等我地帶大家一齊去不同景點，做大家半日既攝影師！
認識不同朋友
透過踩單車，大家可以認識有共同興趣既朋友，打開生活既不同可能！
活動詳情
| 日子&時間 |
2025年 -6月8日(週日) -7月5日(週六) 4:30pm - 9:30pm |
| 路線&行程 | 見上 |
| 氣氛 車速 |
輕輕鬆鬆悠悠閑、識朋友、吹下、打卡為主 視乎情況，不過一般都非常慢，大概10﹣15 km |
| dress code |
-日常生活服/出街衫/舒適合適的運動服 -本次路線大部分主要於單車徑進行，但仍有一小部分需要經過馬路。建議參加者如有需要請佩戴頭盔（我們均有免費提供） |
| 費用(每位) | 💰每人費用 (已包括每人一部🚲 @tokyobike.hk 及🪖頭盔) 每人 $269 3-5月來過 $249 2 人同行 $249 來過三次 $229 來過十次 $219 💰自備單車 tokyobike車主：$99 其他車種：$149 可額外購買保險，約$20 |
| 名額 | 預計16-20人 (10人成團) |
| 報名時間 活動 Briefing |
即日開始，額滿即止 活動 2日前會 send去 大家既whatsapp |
| 路段比例（只供大約參考） |
單車徑 85% 馬路 5% 步行&其他 10% |
| 如何報名： |
1. 填妥 google form 報名表 2 如需租借單車，請付款及將截圖 whatsapp到 9781 1769。 **同埋記得幫我地 share 個 post 比身邊朋友 ;p |
| 天氣安排 | 若果天氣惡劣，我們將會於活動前2小時通知大家最新安排，並於大家保持緊密聯繫。 |
常見問題 FAQs
今次路線難唔難踩？
非常簡單，主要以單車徑為主
路徑會有一些上落斜路
不過出現頻率不多
是非常輕鬆的一段路程
如果係單車新手可唔可以參加？
可以，最緊要係你可以穩定咁操控單車。
我有興趣想來，但好多年冇踩單車，會唔會唔適合參加這個活動？
如果你好多年無踩，或者唔太記得點踩。建議你可以係活動前揾機會去練習下，例如到我地將軍澳租返架單車踩一踩，攞返個手感。幾多年無踩過唔係重點，關鍵係你能夠穩定咁操控單車🙌🏻
自己一個來會唔會好尷尬？🫣
我地好歡迎新朋友一起來參加我地既活動，一個人來係好常見的，唔使覺得尷尬😙 一個人就有機會慢慢認識其他團友~ 當然尷尬與否都要睇你自己，如果到時真係揾唔到人傾偈，就跟住團長慢慢踩啦🤣
係咪一定要佩戴頭盔？
現時法例並無規定一定要佩戴頭盔，建議大家為安全著想可以佩戴，我地會為參加者免費提供。
你地踩得快唔快？我平時唔多踩單車，速度會唔會跟唔上？🙈
我地既速度其實係以龜速🐢進行，慢係我地既一大原則😆（係路段許可既情況下）。因為我地主要都係踩單車徑，同埋如果落斜路既話，我地會要求只可剎車，不可加速，一定要好慢咁落。上斜既話我地亦會建議團友落車慢慢推，唔使心急，保留體力~ 當然你踩到既話歡迎隨便🤗
基本上我地都係盡量以最慢，最安全既速度咁去踩既👌🏻
可以租借你地既 tokyobike 來練習嗎?
可以啊，我地係將軍澳有提供 tokyobike 租借服務，踩既單車正正係活動當日會踩既單車。你可以直接熟練一下。如果你報名參加活動，租借單車可獲 8 折優惠👌🏻
（tokyobike 租借網站）
活動影左既相我地可以要返嗎？
當然可以！活動之後我地會 send 返相比大家！
如果當日天氣惡劣/落雨既話如何處理？
如果出發前落大雨，我地會係活動出發前最少 2 小時前通知改期。
如果係驟雨/ 或者出發途中落雨，我地會如常舉行。
如果踩既途中落雨，我地會等停雨再慢慢繼續行程。
值得一提是夏天是雨季，天氣變化較大，除非天文台事先已經預測會整日落雨，否則如果係局部地區性驟雨我地一般會繼續進行，團友報名時請留意。
如果活動改期而你未能出席，你可以選擇退款。
報名後如果想取消怎麼辦，可以退款嗎？
除非因天氣導致活動改期，否則我地所有報名費不會因為私人原因退款。
如果你報名後來不到，你可以找朋友頂替。
如果沒人頂替，你可以保留名額 60日。