序
話說上年我地曾經舉辦過東涌之旅
個次我地同大家都玩得好開心
不過遺憾時間有啲太趕，有啲地方仲未去。
最近東涌有個櫻花海岸
花期去到 3 月底
世人都知櫻花漂亮
但日頭實在太多人難以靜心欣賞
夜櫻雖沒有藍天陪襯
卻算係相對較少人既時間
今年趁住夏天蒞臨之前
等我地再來一次東涌
來一趟夜櫻之旅。
行程
今次既路線，我地既會去一啲東沖既靚景點，亦會夜晚去睇一年一次既櫻花！
我地會首先係東涌站出發去馬灣涌小漁村，呢度係極有風情既地方。之後會去埋上次去唔到既天空之城。係逸東村吃完下午茶，我就會爭取時間出發，經過 BTS 巴士站踩入機場跑道尾，途中會經過機場草坪。
日落之後，我地就會去到櫻花海岸觀賞夜櫻，最後返回地鐵站。
1400 集合@東涌站 🚲🚲
1445 馬灣涌小漁村 ⛩️
1530 天空之城🌊
1600 逸東村下午茶 🥯
1700 BTS 巴士站🦆
1730 機場草坪 + 跑道尾✈️
1900 櫻花海岸之夜 🌸
2000 東涌站🏁
（行程只供參考，或會因天氣或現場實際情況有所更改，以活動當日為準）
沿途景色🏞️
活動主旨
BTM 於 2012 年成立，搞過大大小小超過 100 場單車活動。
同其他單車組織/團體唔同，我地旨在推廣一種「城市單車生活文化」，希望同大家以最悠閒最文青既節奏一齊去發掘單車既另一面。
我地除咗去郊區單車徑，一大特色係會同大家係市區穿梭遊走。希望比大家感受 urban cycling 既樂趣同氣氛。
活動氣氛&特色
日本 tokyobike
所有單車均為日本 @tokyobike.hk，又靚又好踩，改變你對單車既睇法！
輕鬆悠閒踩
踩單車唔一定要比賽競速鬥快，讓我地一齊輕輕鬆鬆，放空一個週末！
攝影打卡，記錄香港景點
踩單車打卡影靚相是常識吧，等我地帶大家一齊去不同景點，做大家半日既攝影師！
認識不同朋友
透過踩單車，大家可以認識有共同興趣既朋友，打開生活既不同可能！
活動詳情
| 日子&時間 |
2025年 -3月22日(週六) 2pm - 8pm |
| 路線&行程 | 見上 |
| 氣氛 車速 |
輕輕鬆鬆悠悠閑、識朋友、吹下、打卡為主 視乎情況，不過一般都非常慢，大概10﹣15 km |
| dress code |
-日常生活服/出街衫/舒適合適的運動服 -由於本次路線主要於馬路進行，所有參加者均須佩戴頭盔（所有租借單車的客人如果沒有可以向我們借用） |
| 費用 | 💰費用 (已包括每人一部🚲 @tokyobike.hk 及🪖頭盔) 每人 $269 12-2月來過 $249 2 人同行 $249 來過三次 $229 來過十次 $219 💰自備單車 tokyobike車主：$99 其他車種：$149 可額外購買保險，約$20 |
| 名額 | 預計16-20人 (10人成團) |
| 報名時間 活動 Briefing |
即日開始，額滿即止 活動 2日前會 send去 大家既whatsapp |
| 路段比例（只供大約參考） |
單車徑 40% 馬路 50% 步行&其他 10% |
| 如何報名： |
1. 填妥 google form 報名表 2 如需租借單車，請付款及將截圖 whatsapp到 9781 1769。 **同埋記得幫我地 share 個 post 比身邊朋友 ;p |
| 天氣安排 | 若果天氣惡劣，我們將會於活動前2小時通知大家最新安排，並於大家保持緊密聯繫。 |
常見問題 FAQs
今次路線難唔難踩？
唔算難
前半部分路線係東沖區內，有單車徑
後半部分需要踩去機場跑道尾，次部分會係馬路進行
主要為直路
機場跑道尾為人煙罕至既區域
有需要時，可以在行人路上前進
如果係單車新手可唔可以參加？
可以，最緊要係你可以穩定咁操控單車。
我有興趣想來，但好多年冇踩單車，會唔會唔適合參加這個活動？
如果你好多年無踩，或者唔太記得點踩。建議你可以係活動前揾機會去練習下，例如到我地將軍澳租返架單車踩一踩，攞返個手感。幾多年無踩過唔係重點，關鍵係你能夠穩定咁操控單車🙌🏻
自己一個來會唔會好尷尬？🫣
我地好歡迎新朋友一起來參加我地既活動，一個人來係好常見的，唔使覺得尷尬😙 一個人就有機會慢慢認識其他團友~ 當然尷尬與否都要睇你自己，如果到時真係揾唔到人傾偈，就跟住團長慢慢踩啦🤣
係咪一定要佩戴頭盔？
現時法例並無規定一定要佩戴頭盔，建議大家為安全著想可以佩戴，我地會為參加者免費提供。
你地踩得快唔快？我平時唔多踩單車，速度會唔會跟唔上？🙈
我地既速度其實係以龜速🐢進行，慢係我地既一大原則😆（係路段許可既情況下）。因為我地主要都係踩單車徑，同埋如果落斜路既話，我地會要求只可剎車，不可加速，一定要好慢咁落。上斜既話我地亦會建議團友落車慢慢推，唔使心急，保留體力~ 當然你踩到既話歡迎隨便🤗
基本上我地都係盡量以最慢，最安全既速度咁去踩既👌🏻
可以租借你地既 tokyobike 來練習嗎?
可以啊，我地係將軍澳有提供 tokyobike 租借服務，踩既單車正正係活動當日會踩既單車。你可以直接熟練一下。如果你報名參加活動，租借單車可獲 8 折優惠👌🏻
（tokyobike 租借網站）
活動影左既相我地可以要返嗎？
當然可以！活動之後我地會 send 返相比大家！
如果當日天氣惡劣/落雨既話如何處理？
如果出發前落大雨，我地會係活動出發前最少 2 小時前通知改期。
如果係驟雨/ 或者出發途中落雨，我地會如常舉行。
如果踩既途中落雨，我地會等停雨再慢慢繼續行程。
值得一提是夏天是雨季，天氣變化較大，除非天文台事先已經預測會整日落雨，否則如果係局部地區性驟雨我地一般會繼續進行，團友報名時請留意。
如果活動改期而你未能出席，你可以選擇退款。
報名後如果想取消怎麼辦，可以退款嗎？
除非因天氣導致活動改期，否則我地所有報名費不會因為私人原因退款。
如果你報名後來不到，你可以找朋友頂替。
如果沒人頂替，你可以保留名額 60日。