序
不知由何時開始
每隔一兩年 我哋就要上嚟嘉頓山一次
上一次上嚟已經差不多兩年前
嗰次上嚟係夏天
原本諗住睇紫色日落
不過唔好彩兩團活動都落雨
上到嚟嘅時候已經錯過咗日落最靚嗰一刻。
踏入五月 初夏慢慢來臨
又係時候要踩多啲夜晚嘅單車
今年就等我哋用嘉頓山嚟迎接
呢個一年入面最令人心跳加速嘅季節😛
一如以往每次嘅路線我哋都有有啲唔同
今次尾段我哋會由啟德直接踩入觀塘
順便試吓新開嘅啟德海濱單車徑
十分期待同大家再次夜遊市區。
行程
好耐冇同大家踩過夜晚嘅九龍！
今次路線我哋會喺長沙灣集合出發，第一站先即刻前往嘉頓山，希望可以捕捉到日落。上完山我哋就會去南山邨食飯&甜品，呢度仲有一個打卡勝地。
之後我哋就會經九龍塘同九龍灣去啟德體育園附近，然後再經嗰邊嘅單車徑一路延伸踩入去啟德海濱公園，在沿路去到終點觀塘。
1800 集合 @ 長沙灣🙋🏻♀️
1830 出發🚴🏻♂️🚴🏻♀️
1900 -1930 嘉頓山 🍞⛰️
1945 南山村晚餐 🍗
2100 九龍塘、九龍城🌌
2130 啟德體育園 & 海濱公園🎑
2230 終點 觀塘 🏁
（行程只供參考，或會因天氣或現場實際情況有所更改，以活動當日為準）
沿途景色🏞️
活動主旨
BTM 於 2012 年成立，搞過大大小小超過 100 場單車活動。
同其他單車組織/團體唔同，我地旨在推廣一種「城市單車生活文化」，希望同大家以最悠閒最文青既節奏一齊去發掘單車既另一面。
我地除咗去郊區單車徑，一大特色係會同大家係市區穿梭遊走。希望比大家感受 urban cycling 既樂趣同氣氛。
活動氣氛&特色
日本 tokyobike
所有單車均為日本 @tokyobike.hk，又靚又好踩，改變你對單車既睇法！
輕鬆悠閒踩
踩單車唔一定要比賽競速鬥快，讓我地一齊輕輕鬆鬆，放空一個週末！
攝影打卡，記錄香港景點
踩單車打卡影靚相是常識吧，等我地帶大家一齊去不同景點，做大家半日既攝影師！
認識不同朋友
透過踩單車，大家可以認識有共同興趣既朋友，打開生活既不同可能！
活動詳情
| 日子&時間 |
2025年 -5月10日(週六) -6月77日(週六) 6pm - 10:30pm |
| 路線&行程 | 見上 |
| 氣氛 車速 |
輕輕鬆鬆悠悠閑、識朋友、吹下、打卡為主 視乎情況，不過一般都非常慢，大概10﹣15 km |
| dress code |
-日常生活服/出街衫/舒適合適的運動服 -本次路線大部分主要於單車徑進行，但仍有一小部分需要經過馬路。建議參加者如有需要請佩戴頭盔（我們均有免費提供） |
| 費用(每位) | 💰費用 (已包括每人一部🚲 @tokyobike.hk 及🪖頭盔) 每人 $269 1-3月來過 $249 2 人同行 $249 來過三次 $229 來過十次 $219 💰自備單車 tokyobike車主：$99 其他車種：$149 可額外購買保險，約$20 **由於本次路線較為特別，有一部分必須乘搭橫水渡進入南生圍，收費大約 9-10 元一位，由船家收取，大家敬請留意。 |
| 名額 | 預計16-20人 (10人成團) |
| 報名時間 活動 Briefing |
即日開始，額滿即止 活動 2日前會 send去 大家既whatsapp |
| 路段比例（只供大約參考） |
馬路 70% 單車徑 10% 步行&其他 20% |
| 如何報名： |
1. 填妥 google form 報名表 2 如需租借單車，請付款及將截圖 whatsapp到 9781 1769。 **同埋記得幫我地 share 個 post 比身邊朋友 ;p |
| 天氣安排 | 若果天氣惡劣，我們將會於活動前2小時通知大家最新安排，並於大家保持緊密聯繫。 |
常見問題 FAQs
今次路線難唔難踩？
今次路線難度唔算高
最繁忙嘅交通係一開始嗰段
我哋選擇嘅路段會比較少車
再加上夜晚時間
所以唔算非常之難
隊伍有一定嘅人數
大家嘅感覺會比較安全，可以互相照應
如果係單車新手可唔可以參加？
可以，最緊要係你可以穩定咁操控單車。
我有興趣想來，但好多年冇踩單車，會唔會唔適合參加這個活動？
如果你好多年無踩，或者唔太記得點踩。建議你可以係活動前揾機會去練習下，例如到我地將軍澳租返架單車踩一踩，攞返個手感。幾多年無踩過唔係重點，關鍵係你能夠穩定咁操控單車🙌🏻
自己一個來會唔會好尷尬？🫣
我地好歡迎新朋友一起來參加我地既活動，一個人來係好常見的，唔使覺得尷尬😙 一個人就有機會慢慢認識其他團友~ 當然尷尬與否都要睇你自己，如果到時真係揾唔到人傾偈，就跟住團長慢慢踩啦🤣
係咪一定要佩戴頭盔？
現時法例並無規定一定要佩戴頭盔，建議大家為安全著想可以佩戴，我地會為參加者免費提供。
你地踩得快唔快？我平時唔多踩單車，速度會唔會跟唔上？🙈
我地既速度其實係以龜速🐢進行，慢係我地既一大原則😆（係路段許可既情況下）。因為我地主要都係踩單車徑，同埋如果落斜路既話，我地會要求只可剎車，不可加速，一定要好慢咁落。上斜既話我地亦會建議團友落車慢慢推，唔使心急，保留體力~ 當然你踩到既話歡迎隨便🤗
基本上我地都係盡量以最慢，最安全既速度咁去踩既👌🏻
可以租借你地既 tokyobike 來練習嗎?
可以啊，我地係將軍澳有提供 tokyobike 租借服務，踩既單車正正係活動當日會踩既單車。你可以直接熟練一下。如果你報名參加活動，租借單車可獲 8 折優惠👌🏻
（tokyobike 租借網站）
活動影左既相我地可以要返嗎？
當然可以！活動之後我地會 send 返相比大家！
如果當日天氣惡劣/落雨既話如何處理？
如果出發前落大雨，我地會係活動出發前最少 2 小時前通知改期。
如果係驟雨/ 或者出發途中落雨，我地會如常舉行。
如果踩既途中落雨，我地會等停雨再慢慢繼續行程。
值得一提是夏天是雨季，天氣變化較大，除非天文台事先已經預測會整日落雨，否則如果係局部地區性驟雨我地一般會繼續進行，團友報名時請留意。
如果活動改期而你未能出席，你可以選擇退款。
報名後如果想取消怎麼辦，可以退款嗎？
除非因天氣導致活動改期，否則我地所有報名費不會因為私人原因退款。
如果你報名後來不到，你可以找朋友頂替。
如果沒人頂替，你可以保留名額 60日。