序
出左幾多汗水，終於同大家一齊無悔地盡情咁踩過左今年嘅夏天
踏入秋天當然唔好比佢停
而家夜晚開始涼
慢慢踩其實已經唔會點出汗
時隔差不多2年我地將會同大家返來久違既港島
今次既港島同我地上年年尾通宵個次唔同
我哋會focus 係漫遊探索港島東
同埋係一個所有街道同景色都仲未進入夢鄉既時段
今次路線同樣經過團長既精心編排
加入左一啲新既地方
豐富左食既元素同體驗
同埋今次我地分開左2團
「正常版」我地一貫既節奏同踩法
「盡情版」路線更豐富，但難度會高少少同刺激啲
無論你係想悠閒感受港島既秋夜氣息
定係想刺激少少運動多少少
來吧 我地一齊來享受入秋後既夜港島吧！
途徑地方
🚋 筲箕灣東大街 & 電車站
港島東隱世美食一條街，大家可以留肚分食雞蛋仔/格仔餅，或者沙爹串燒。然後再去一路聽住電車叮叮聲，一路打卡留念。
🏘️ 登上耀東邨（盡情版）
跨過港島東最高之處，上去個刻係需要體力嘅，不過去到山頂望返落嚟，係絕對值得嘅。同埋賺定 quota 去掃街。
🍜 太安樓掃街
港版士林夜市，到時跟住團長係呢個美食迷宮掃街搵食，包你食到 fat fat。
🌌 夜探太古滙圃
可能係全港島東，甚至係全港最有氣氛同藝術氣息嘅市區綠洲，旅程中最舒適嘅歇腳地。
🛣️ 穿梭七姐妹道
進入北角嘅鬧市之前，邊熱身邊體驗東區獨特街道氛圍。
🏮 穿梭英皇道 + 漫遊大坑（盡情版）
東區最繁榮嘅街道，用你從未試過嘅方式，沉浸喺五光十色嘅香港夜色之中。在繁華大道與寧靜小區之間切換，感受兩種截然不同嘅節奏。
⛵️ 東岸板道 & 銅鑼灣避風塘小蛋蛋
世界三大夜景之一就喺我哋身邊，再加上最新嘅單車徑，若不好好騎乘一趟，豈非浪費大好年華？
🌆 漫遊炮台山後街
同大家以最慢嘅節奏，穿梭遊走最後嘅炮台山 & 北角後街，完成美好嘅一晚，美滿嘅旅程。
正常 / 盡情版🏞️
今次活動我地會分開2個路線，踩法與所到景點略有不同。
「正常版」是我們一貫的活動模式。節奏較慢，難度較低，踩法較為安全保守。遇到複雜的路段會採取「推車過馬路」方式，對入門的朋友較易入口。
「盡情版」節奏較快，路段較為豐富及刺激。整個路線會盡量以「踩馬路」方式完成，適合想完整享受整條路線精華的朋友。
「正常版」行程
~13.2km
路線以西灣河集合出發, 先經過筲箕灣船廠到達美食小天堂東大街, 稍作休息後，會經過電車總站，然後經西灣河街到達西灣河。
今次晚飯比較特別，由於太安樓是掃街勝地，我地會比大家自由活動。食飽之後我地會經過太古城及七姐妹道，由北角碼頭進入東岸板道，在銅鑼灣小蛋蛋欣賞完維多利亞港之後，便會經渣華道返回終點北角。
🗓 10 月 4 日（週六）｜10 月 26 日（週日）
🕔 5:00pm – 9:30pm
👥 10 人成團｜名額：20 人
預計行程
1700 集合 @ 西灣河 🙋🏻♀️
1730 出發 🚴🏻♂️🚴🏻♀️
1800 筲箕灣東大街 & 電車站 🍞⛰️🚋
1845 晚飯 @ 太安樓 🍜🥢
1945 夜探滙圃 🌌🌳
2015 穿梭七姐妹道 🎑
2030 東岸板道 & 銅鑼灣小蛋蛋 🥚⛵️
2100 漫遊炮台山後街 🏙️🌆
2130 終點 @ 北角地鐵站 🏁🚇
（行程只供參考，或會因天氣或現場實際情況有所更改，以活動當日為準）
💰 費用說明
📌 已包括：每人一部 🚲 @tokyobike.hk 及 🪖 頭盔
👥 10 人成團｜最多 20 人
🔹 一般費用
* 每人 $339｜2人 $319｜3人+ $309
* 自備：tokyobike $169／其他車 $219
🔹 特別會員費用
（凡於 2023 年 10 月 – 2025 年 9 月 曾參加任何一場「單車週末聚」活動，即自動成為特別會員。
不包括：2023 年 10 月山海節、2024 年年初三、2024 年 12 月荃灣場次。
會員身份將會自動透過電話號碼核實，如有疑問可向團長查詢。）
* 每人 $289｜2人 $269｜3人+ $259
*6-9月來過 $269
* 來過3次 $249 ｜10次 $239
* 自備單車：tokyobike $119｜其他車 $169
「盡情版」行程
~15.3km
路線以西灣河集合出發, 先經過筲箕灣船廠到達美食小天堂東大街, 稍作休息後，會經過電車總站，然後登上耀東村到達西灣河。
今次晚飯比較特別，由於太安樓是掃街勝地，我地會比大家自由活動。食飽之後我地會經過太古城及七姐妹道，由英皇道進入大坑稍作休息，然後折返到達銅鑼灣小蛋蛋。在欣賞完維多利亞港之後，便會經渣華道返回終點北角。
🗓 10 月 11 日（週六）
🕔 5:00pm – 10:30pm
👥 8 人成團｜名額：16 人
預計行程
1700 集合 @ 西灣河 ⛲️
1730 出發 🚴🏻♂️🚴🏻♀️
1800 筲箕灣東大街 + 電車站 🍞⛰️🚋
1830 登上耀東村 🏘️⬆️
1930 晚飯 @ 太安樓 🍜🥢
2030 夜探太古滙圃 🌌🌳
2100 穿梭英皇道 + 漫遊大坑 🛣️🏮
2130 銅鑼灣 小蛋蛋 🥚⛵️
2200 漫遊炮台山後街 🏙️🌆
2230 終點 @ 北角地鐵站 🏁🚇
（行程只供參考，或會因天氣或現場實際情況有所更改，以活動當日為準）
💰 費用說明
📌 已包括：每人一部 🚲 @tokyobike.hk 及 🪖 頭盔
👥 8 人成團｜最多 16 人
* 每人 $438
* 自備：tokyobike $338／其他車 $388
參加資格
1 曾經參加過一場馬路線的「單車週末聚」。或
2 本身已有馬路經驗。
沿途景色🏞️
登上耀東村（盡情場）
英皇道（盡情場）
大坑（盡情場）
活動主旨
BTM 於 2012 年成立，搞過大大小小超過 100 場單車活動。
同其他單車組織/團體唔同，我地旨在推廣一種「城市單車生活文化」，希望同大家以最悠閒最文青既節奏一齊去發掘單車既另一面。
我地除咗去郊區單車徑，一大特色係會同大家係市區穿梭遊走。希望比大家感受 urban cycling 既樂趣同氣氛。
活動氣氛&特色
攝影服務
全程有專人幫你影相，記錄沿途最精彩嘅踩車時刻。
全新設計的路線
特別規劃適合不同程度嘅單車友，體驗新鮮感十足嘅行程。
團長 + 2位導航員
由團長帶領，配合兩位導航員，全程照顧安全同指引方向。
持牌導遊
團長為持牌導遊，專業帶領之餘，仲會分享沿途社區故事同特色。
日本 tokyobike
所有單車均為日本 @tokyobike.hk，又靚又好踩，改變你對單車既睇法！
體驗 Urban Cycling 樂趣
踩單車唔一定要比賽競速鬥快，讓我地一齊輕輕鬆鬆，親身感受城市中踩單車嘅自由感。
了解香港
沿途探索地區特色，從街道到社區，發掘香港另一面。
認識不同朋友
透過踩單車，大家可以認識有共同興趣既朋友，打開生活既不同可能！
活動詳情
| 日子&時間 |
2025年 正常版（1-5:30am） -11月30日（週日） -1月11日（週日） 盡情版（12:30-6am) -12月21日（週日） -2月1日（週日） |
| 路線&行程 | 見上 |
| 氣氛 車速 |
輕輕鬆鬆悠悠閑、識朋友、吹下、打卡為主 視乎情況，不過一般都非常慢，大概10﹣15 km |
| dress code |
-日常生活服/出街衫/舒適合適的運動服 -本次路線大部分主要於單車徑進行，但仍有一小部分需要經過馬路。建議參加者如有需要請佩戴頭盔（我們均有免費提供） |
| 費用(每位) | 見上 |
| 名額 | 正常版 20人 盡情版 16人 |
| 報名時間 活動 Briefing |
即日開始，額滿即止 活動 2日前會 send去 大家既whatsapp |
| 路段比例（只供大約參考） |
正常版 馬路 70% 單車徑 10% 步行&其他 20% 盡情版 馬路 85% 單車徑 10% 步行&其他 5% |
| 如何報名： |
1. 填妥 google form 報名表 2 如需租借單車，請付款及將截圖 whatsapp到 9781 1769。 **同埋記得幫我地 share 個 post 比身邊朋友 ;p |
| 天氣安排 | 若果天氣惡劣，我們將會於活動前2小時通知大家最新安排，並於大家保持緊密聯繫。 |
常見問題 FAQs
今次路線難唔難踩？
今次活動嘅路線唔算難踩，雖然喺香港島，不過團長編排咗一條比較容易入口、比較保守嘅路線，但當然都係市區入面進行啦，都係馬路，都會有車嘅。
今次我哋仲分開咗盡情版。盡情版嘅路線會比較刺激少少，大部份時間都會真係喺馬路上面踩。另外仲會踩上耀東邨（呢段其實預咗係推車上去嘅，當然有體力嘅話歡迎大家一齊上去，喺山頂等，路程大約 5–10 分鐘）。體力同埋技術上都會需要多少少，不過上山嗰段其實就可以慢慢推都得嘅。
另外就最尾仲會加入英皇道一段，而不踩東岸板道。適合平時參加我哋活動覺得唔夠快，又或者想踩得興奮啲嘅朋友，或者想挑戰自己嘅朋友。
若果你對自己嘅單車程度唔太清楚，唔知道應該參加邊團，歡迎隨時 WhatsApp 團長 (+852 9781 1769) 查詢～
如果係單車新手可唔可以參加？
可以，最緊要係你可以穩定咁操控單車。
我有興趣想來，但好多年冇踩單車，會唔會唔適合參加這個活動？
如果你好多年無踩，或者唔太記得點踩。建議你可以係活動前揾機會去練習下，例如到我地將軍澳租返架單車踩一踩，攞返個手感。幾多年無踩過唔係重點，關鍵係你能夠穩定咁操控單車🙌🏻
自己一個來會唔會好尷尬？🫣
我地好歡迎新朋友一起來參加我地既活動，一個人來係好常見的，唔使覺得尷尬😙 一個人就有機會慢慢認識其他團友~ 當然尷尬與否都要睇你自己，如果到時真係揾唔到人傾偈，就跟住團長慢慢踩啦🤣
係咪一定要佩戴頭盔？
現時法例並無規定一定要佩戴頭盔，建議大家為安全著想可以佩戴，我地會為參加者免費提供。
你地踩得快唔快？我平時唔多踩單車，速度會唔會跟唔上？🙈
我地既速度其實係以龜速🐢進行，慢係我地既一大原則😆（係路段許可既情況下）。因為我地主要都係踩單車徑，同埋如果落斜路既話，我地會要求只可剎車，不可加速，一定要好慢咁落。上斜既話我地亦會建議團友落車慢慢推，唔使心急，保留體力~ 當然你踩到既話歡迎隨便🤗
基本上我地都係盡量以最慢，最安全既速度咁去踩既👌🏻
可以租借你地既 tokyobike 來練習嗎?
可以啊，我地係將軍澳有提供 tokyobike 租借服務，踩既單車正正係活動當日會踩既單車。你可以直接熟練一下。如果你報名參加活動，租借單車可獲 8 折優惠👌🏻
（tokyobike 租借網站）
有無得揀單車既型號、顏色？
可以的~
報名時可以填寫你喜歡嘅單車顏色 🚲，我哋會按身高盡量安排，但頭盔同顏色配搭未必能夠 100% 保證 🙏🏻。
若未能安排到心儀顏色，我哋會盡量提供相同或最接近型號 ☝️。
如需 指定單車款式，可於報名時加 $20 作預留 ☝️。
活動影左既相我地可以要返嗎？
當然可以！活動之後我地會 send 返相比大家！
如果當日天氣惡劣/落雨既話如何處理？
☔ 天氣安排指引
-
如出發前天氣持續惡劣，或天文台預測將有非常差嘅天氣，我哋會於 活動出發前最少 2 小時 通知改期。
-
若只是驟雨，或大家前往集合點途中突然落雨，活動將 如常舉行。
-
如出發前或行程途中遇雨，會先暫停，待雨停後再慢慢繼續行程。
5-11月是香港雨季風季，天氣變化可能較大，除非天文台事先已經預測會整日落雨，否則如果係局部地區性驟雨我地一般會繼續進行😉，團友報名時請留意。
如果天文台預測某些日子真係打得成風，我哋視乎情況盡早安排！
如果活動改期而你未能出席，你可以選擇保留名、參加其他場次或者退款。
報名後如果想取消怎麼辦，可以退款嗎？
除非因天氣導致活動改期，否則我地所有報名費不會因為私人原因退款。
如果你報名後來不到，你可以找朋友頂替。
如果沒人頂替，你可以保留名額 60日。