序
一年一度既聖誕節，好想同大家踩多啲單車~
我地平安夜我哋會同大家踩喺香港島
而22號店長亦都唔想浪費🤭
我哋會同大家踩將軍澳
提早慶祝聖誕🎄
不過今次呢個係特別場
主要係比單身既朋友仔玩😚
路線
首先由我地鋪頭@海天晉滙出發經跨彎大橋去到康城，然後視乎天色決定前往後山草原或會將軍澳工業區。之後我地會前往寶林晚飯+阿波羅😋。最後經文曲裡公園 + 睇埋大橋燈飾，返回起點。
預計行程：
1700 出發@將軍澳 （1630集合）🚲🚲
1715 經過跨彎大橋 🛤️🚃
1745 竣瀅後山草原/ 將軍澳工業區(視乎情況)🍪
1815 踩入坑口🌊
1915 晚飯@寶林🎣
2000 前往文曲里公園⛵️
2030 大橋燈飾
2100 終點 @海天晉滙🏁
（行程只供參考，或會因天氣或現場實際情況有所更改，以活動當日為準）
沿途景色🏞️
活動主旨
BTM 於 2012 年成立，搞過大大小小超過 100 場單車活動。
同其他單車組織/團體唔同，我地旨在推廣一種「城市單車生活文化」，希望同大家以最悠閒最文青既節奏一齊去發掘單車既另一面。
我地除咗去郊區單車徑，一大特色係會同大家係市區穿梭遊走。希望比大家感受 urban cycling 既樂趣同氣氛。
活動氣氛&特色
日本 tokyobike
所有單車均為日本 @tokyobike.hk，又靚又好踩，改變你對單車既睇法！
輕鬆悠閒踩
踩單車唔一定要比賽競速鬥快，讓我地一齊輕輕鬆鬆，放空一個週末！
攝影打卡，探索香港
踩單車打卡影靚相是常識吧，等我地帶大家一齊去不同景點，探索香港不同地方！
認識不同朋友
透過踩單車，大家可以認識有共同興趣既朋友，打開生活既不同可能！
活動詳情
| 日子&時間 活動時間 |
2024年 -12月22日(日) 5pm - 9pm |
| 路線&行程 | 見上 |
| 氣氛 車速 |
輕輕鬆鬆悠悠閑、識朋友、吹下、打卡為主 視乎情況，不過一般都非常慢，大概10﹣15 km |
| dress code |
-日常生活服/出街衫/舒適合適的運動服 -所有參加者必須佩戴頭盔（所有租借單車的客人如果沒有可以向我們借用） -比賽或競技服裝不適用，因為我們所有活動旨在推廣一種生活化的更普羅的城市單車生活模式 🙂 |
| 費用 | 每人 $99 (只限單身朋友仔參加😚） |
| 名額 | 預計最多12-16人 (8人成團) |
| 報名時間 活動 Briefing |
即日開始，額滿即止 活動 2日前會 send去 大家既whatsapp |
| 路段比例（只供大約參考） |
單車徑 90% 其他 10% |
| 如何報名： |
1. 填妥 google form 報名表 2 如需租借單車，請付款及將截圖 whatsapp到 9780 9211。 **同埋記得幫我地 share 個 post 比身邊朋友 ;p |
| 天氣安排 | 若果天氣惡劣，我們將會於活動前2小時通知大家最新安排，並於大家保持緊密聯繫。 |
常見問題 FAQs
係咪 single 至可以參加？
係呀，我地今次既 target 係 single 既朋友仔~ 如果非 single 既請參加我地其他活動😚
路線難唔難踩？
唔難呀，將軍澳最容易踩~
如果係單車新手可唔可以參加？
可以，最緊要係你可以穩定咁操控單車。
我有興趣想來，但好多年冇踩單車，會唔會唔適合參加這個活動？
如果你好多年無踩，或者唔太記得點踩。建議你可以係活動前揾機會去練習下，例如到我地將軍澳租返架單車踩一踩，攞返個手感。幾多年無踩過唔係重點，關鍵係你能夠穩定咁操控單車🙌🏻
使唔使一定要戴頭盔？
唔一定，隨大家鐘意，將軍澳都安全無乜難度。
你地踩得快唔快？我平時唔多踩單車，速度會唔會跟唔上？🙈
我地既速度其實係以龜速🐢進行，慢係我地既一大原則😆（係路段許可既情況下）。因為我地主要都係踩單車徑，同埋如果落斜路既話，我地會要求只可剎車，不可加速，一定要好慢咁落。上斜既話我地亦會建議團友落車慢慢推，唔使心急，保留體力~ 當然你踩到既話歡迎隨便🤗
基本上我地都係盡量以最慢，最安全既速度咁去踩既👌🏻
可以租借你地既 tokyobike 來練習嗎?
可以啊，我地係將軍澳有提供 tokyobike 租借服務，踩既單車正正係活動當日會踩既單車。你可以直接熟練一下。如果你報名參加活動，租借單車可獲 8 折優惠👌🏻
（tokyobike 租借網站）
活動影左既相我地可以要返嗎？
當然可以！活動之後我地會 send 返相比大家！
如果當日天氣惡劣/落雨既話如何處理？
如果出發前落大雨，我地會係活動出發前最少 2 小時前通知改期。
如果係驟雨/ 或者出發途中落雨，我地會如常舉行。
如果踩既途中落雨，我地會等停雨再慢慢繼續行程。
值得一提是夏天是雨季，天氣變化較大，除非天文台事先已經預測會整日落雨，否則如果係局部地區性驟雨我地一般會繼續進行，團友報名時請留意。
如果活動改期而你未能出席，你可以選擇退款。
報名後如果想取消怎麼辦，可以退款嗎？
除非因天氣導致活動改期，否則我地所有報名費不會因為私人原因退款。
如果你報名後來不到，你可以找朋友頂替。
如果沒人頂替，你可以保留名額 60日。
額外雞精送比大家
in case 大家有需要，送兩條官方正野比大家
運輸處安全短片