序
好多時候我哋去一趟旅行
都會事先計劃好路線，睇好地圖
但呢個世界有好多嘢其實並唔係可以完全事先計劃到
有時候，一些不確定性
反而可能讓你係一趟旅程中遇到最美既風景
過去10幾年我哋不停搞單車活動
可以話香港好多地方都去過
但原來亦慢慢發現有好多地方依然未去過
今次團長同隊友們花盡心思
三顧北區深入實地探索
發掘左一條全新嘅路線
呢條路線喺地圖上都並無記載或畫面
故此我地雖然已經探路
但只能憑著記憶帶大家前行
旅程中可能會出現變化
我地想同大家嚟一次歷險之旅
一齊享受一下
係香港迷失嘅風景
係郊區踩住單車迷失嘅美好
正常 / 盡情版🏞️
今次活動團長為大家設計左「普通版」&「盡情版」，
路線、景點及體驗都有所不同！
「正常版」節奏較慢，路程較短，難度較低，時間預計會比盡情版短1-1.5小時左右，踩法較為保守。遇到複雜的路段會盡量採取「推車」方式，適合新手朋友。
「正常版」路線會與「盡情版」有所不同，貪玩既可以報曬兩條，享有95折！
「盡情版」節奏會快少少，路段較為豐富及刺激。會盡情探索整個錦上路、古洞以及上水一帶既隱世路段，中途會踩過很多不同的路段地方，適合想盡情玩返半日既朋友。
「正常版」路線會與「盡情版」有所不同，有興趣大家可以兩條都報名，享額外95折。
「正常版」行程
~16 km
由上水出發，先前往塱原濕地遊覽一望無際既平原，之後去食當地馳名既豆腐花放題。之後我地會經過天橋來到古洞既另一邊，到訪古洞水塘到此一遊，然後開始今日既迷失之旅。我地會試圖穿越古洞南邊的一些羊腸小道，然後尋找一片非常特別既棕櫚樹林，再經過蕉徑老圍，來到蝴蝶山下既一些村落，再返回上水。
🗓 2月 22 日（週日）｜4月 5 日（週日）
🕔 9:30am – 2:30pm
👥 10 人成團｜名額：20 人
預計行程
09:30 集合
09:45 出發 🚴🏻♂️
10:15 塱原濕地 🏭🌉
11:00 豆腐花🏟️
12:00 古洞水塘 🌊
12:30 古洞街市 lunch
13:15 入蕉徑村 + 餅乾村
14:30 翻回上水 🛣️🏙️
（行程只供參考，或會因天氣或現場實際情況有所更改，以活動當日為準）
「盡情版」行程
~22 km
盡情版會由元朗出發，先到錦繡花園，然後穿過攸潭尾村，經麒麟村的一條神秘小道，來到古洞的南邊既迷失之地，我地同樣會係呢度尋找美麗既棕櫚樹林，之後再經過蕉徑老圍，來到蝴蝶山下既一些村落，再返回上水。
盡情版既路線相比起正常版會更長，前半部既路線同正常版完全不同，穿越整個北區既森林。
🗓 3 月 21 日（週六）| 5月2日（週六）
🕔 10am – 4pm+
👥 6 人成團｜名額：12 人
預計行程
10:00 集合
10:15 錦上路出發 🚴🏻♂️🚴🏻♀️
10:30 錦田 + 樹屋一帶
11:00 逢吉茶樓 Lunch
12:00 踏上屯馬線
12:30 文天祥公園
13:00 入麒麟村
13:30 蕉徑村
14:00 榮昌茶座
15:00 餅乾村
16:00 返回上水
（行程只供參考，或會因天氣或現場實際情況有所更改，以活動當日為準）
💰 「正常版」費用
📌 已包括：每人一部 🚲 @tokyobike.hk 及 🪖 頭盔
👥 10 人成團｜最多 20 人
🔹 一般費用
每人 $339
10月來過 $319
2人同行，每人 $319
3人或以上同行，每人$309
自備
tokyobike $169
其他車 $219
🔹 特別會員費用
（凡於 2023 年 10 月 – 2025 年 9 月 曾參加任何一場「單車週末聚」活動，可享有特別會員優惠。
不包括：2023 年 10 月山海節、2024 年年初三、2024 年 12 月荃灣場次。
會員身份將會自動透過電話號碼核實，如有疑問可向團長查詢。）
每人 $289
2人同行，每人 $269
3人或以上同行，每人$259
7-10月來過 $269
來過3次 $249
來過10次 $239
自備
tokyobike $139
其他車 $189
💰 「盡情版」費用
📌 已包括：每人一部 🚲 @tokyobike.hk 及 🪖 頭盔
👥 6 人成團｜名額：12 人
每人 $438
10月來過 $418
2人同行，每人 $418
3人或以上同行，每人$408
自備
tokyobike $338
其他車 $388
沿途景色🏞️
兩團皆有🏞️
正常版🏞️
盡情版🏞️
活動主旨
BTM 於 2012 年成立，搞過大大小小超過 100 場單車活動。
同其他單車組織/團體唔同，我地旨在推廣一種「城市單車生活文化」，希望同大家以最悠閒最文青既節奏一齊去發掘單車既另一面。
我地除咗去郊區單車徑，一大特色係會同大家係市區穿梭遊走。希望比大家感受 urban cycling 既樂趣同氣氛。
活動氣氛&特色
攝影服務
全程有專人幫你影相，記錄沿途最精彩嘅踩車時刻。
全新設計的路線
特別規劃適合不同程度嘅單車友，體驗新鮮感十足嘅行程。
團長 + 2位導航員
由團長帶領，配合兩位導航員，全程照顧安全同指引方向。
持牌導遊
團長為持牌導遊，專業帶領之餘，仲會分享沿途社區故事同特色。
日本 tokyobike
所有單車均為日本 @tokyobike.hk，又靚又好踩，改變你對單車既睇法！
體驗 Urban Cycling 樂趣
踩單車唔一定要比賽競速鬥快，讓我地一齊輕輕鬆鬆，親身感受城市中踩單車嘅自由感。
了解香港
沿途探索地區特色，從街道到社區，發掘香港另一面。
認識不同朋友
透過踩單車，大家可以認識有共同興趣既朋友，打開生活既不同可能！
活動詳情
| 日子&時間 |
2026年 正常版（9:30-2:30pm） -2月22日（週日） -4月2日（週日） 盡情版（10-4pm) -3月21日（週六） -5月2日（週六） |
| 路線&行程 | 見上 |
| 氣氛 車速 |
輕輕鬆鬆悠悠閑、識朋友、吹下、打卡為主 視乎情況，不過一般都非常慢，大概10﹣15 km |
| dress code |
-日常生活服/出街衫/舒適合適的運動服 -本次路線大部分主要於單車徑進行，但仍有一小部分需要經過馬路。建議參加者如有需要請佩戴頭盔（我們均有免費提供） |
| 費用(每位) | 見上 |
| 名額 | 正常版 最多20人 盡情版 最多12人 |
| 報名時間 活動 Briefing |
即日開始，額滿即止 活動 2日前會 send去 大家既whatsapp |
| 路段比例（只供大約參考） |
正常版 單車徑 60% 馬路 20% 步行&其他 20% 盡情版 單車徑 60% 馬路 20% 步行&其他 20% |
| 如何報名： |
1. 填妥 google form 報名表 2 如需租借單車，請付款及將截圖 whatsapp到 9874 6972。 **同埋記得幫我地 share 個 post 比身邊朋友 ;p |
| 天氣安排 | 若果天氣惡劣，我們將會於活動前2小時通知大家最新安排，並於大家保持緊密聯繫。 |
常見問題 FAQs
今次路線難唔難踩？
唔難，主要係單車徑，同埋係鄉郊地區。
不過亦需要一點點體力，但整體來講不算困難。我地既節奏係可以隨時休息，多打卡等待位。
如果係單車新手可唔可以參加？
可以，最緊要係你可以穩定咁操控單車。
我有興趣想來，但好多年冇踩單車，會唔會唔適合參加這個活動？
如果你好多年無踩，或者唔太記得點踩。建議你可以係活動前揾機會去練習下，例如到我地將軍澳租返架單車踩一踩，攞返個手感。幾多年無踩過唔係重點，關鍵係你能夠穩定咁操控單車🙌🏻
自己一個來會唔會好尷尬？🫣
我地好歡迎新朋友一起來參加我地既活動，一個人來係好常見的，唔使覺得尷尬😙 一個人就有機會慢慢認識其他團友~ 當然尷尬與否都要睇你自己，如果到時真係揾唔到人傾偈，就跟住團長慢慢踩啦🤣
係咪一定要佩戴頭盔？
現時法例並無規定一定要佩戴頭盔，建議大家為安全著想可以佩戴，我地會為參加者免費提供。
你地踩得快唔快？我平時唔多踩單車，速度會唔會跟唔上？🙈
我地既速度其實係以龜速🐢進行，慢係我地既一大原則😆（係路段許可既情況下）。因為我地主要都係踩單車徑，同埋如果落斜路既話，我地會要求只可剎車，不可加速，一定要好慢咁落。上斜既話我地亦會建議團友落車慢慢推，唔使心急，保留體力~ 當然你踩到既話歡迎隨便🤗
基本上我地都係盡量以最慢，最安全既速度咁去踩既👌🏻
可以租借你地既 tokyobike 來練習嗎?
可以啊，我地係將軍澳有提供 tokyobike 租借服務，踩既單車正正係活動當日會踩既單車。你可以直接熟練一下。如果你報名參加活動，租借單車可獲 8 折優惠👌🏻
（tokyobike 租借網站）
有無得揀單車既型號、顏色？
可以的~
報名時可以填寫你喜歡嘅單車顏色 🚲，我哋會按身高盡量安排，但頭盔同顏色配搭未必能夠 100% 保證 🙏🏻。
若未能安排到心儀顏色，我哋會盡量提供相同或最接近型號 ☝️。
如需 指定單車款式，可於報名時加 $20 作預留 ☝️。
活動影左既相我地可以要返嗎？
當然可以！活動之後我地會 send 返相比大家！
如果當日天氣惡劣/落雨既話如何處理？
☔ 天氣安排指引
-
如出發前天氣持續惡劣，或天文台預測將有非常差嘅天氣，我哋會於 活動出發前最少 2 小時 通知改期。
-
若只是驟雨，或大家前往集合點途中突然落雨，活動將 如常舉行。
-
如出發前或行程途中遇雨，會先暫停，待雨停後再慢慢繼續行程。
5-11月是香港雨季風季，天氣變化可能較大，除非天文台事先已經預測會整日落雨，否則如果係局部地區性驟雨我地一般會繼續進行😉，團友報名時請留意。
如果天文台預測某些日子真係打得成風，我哋視乎情況盡早安排！
如果活動改期而你未能出席，你可以選擇保留名、參加其他場次或者退款。
報名後如果想取消怎麼辦，可以退款嗎？
除非因天氣導致活動改期，否則我地所有報名費不會因為私人原因退款。
如果你報名後來不到，你可以找朋友頂替。
如果沒人頂替，你可以保留名額 60日。